२०८३ मङ्सिर ६ गते आईतबार

ट्रायल पास २५ लाखले लाइसेन्स पाउन बाँकी, तयार भयो/भएन? यसरी थाहा पाउनुस् फेसबुकबाटै

 |  रेम बिक
Sanket

रेम बिक

काठमाडौँ, मङ्सिर १४
licensee

काठमाडौँ: जेनजी आन्दोलनपछि क्षतिग्रस्त यातायात व्यवस्था विभागअन्तर््गत कार्यालयहरू अधिकांश नियमित रूपमा सञ्चालनमा आए पनि पूर्णरूपमा सेवा प्रवाह गर्न अझैं दुई महिना लाग्ने भएको छ। जेनजी आन्दोलनको क्रममा जलेर पूर्णरूपमा ध्वस्त भएको विभागको कार्यालय र अन्य यातायात कार्यालयसँगै सूचना प्रविधिको कामको ‘फाइनल अपडेट’ दुई महिनाभित्र भैसक्ने विभागले जनाएको हो।

‘जलेका संरचना पुनर्निर्माण र रेट्रोफिटको काम अन्तिम चरणमा पुर्‍याएका छौँ। हाल टेन्टबाटै भए पनि अत्यावश्यक सेवा प्रवाह गरिरहेका छौँ,’ विभागका आईटी निर्देशक केशव खतिवडाले नेपाल क्लिक्ससँग भने, ‘भवनसँगै सूचना प्रविधिको सिस्टम र डाटा सेन्टर पनि पूर्णरूपमा क्षति भएकोमा हाल त्यसको पनि काम भैरहेको छ।’

हाललाई चौरमा टेन्ट लगाएर आंशिक सेवा प्रवाह भैरहेको छ। सूचना प्रविधिको सवालमा पनि ‘टेम्पररी सोलुसन’को काम भैरहेको विभागले जनाएको छ।

विभाग अन्तर्गत नेपालभर ४१ वटा यातायात कार्यालयहरू छन्। ३९ वटा कार्यालयहरूमार्फत् सेवाग्राहीहरूले नियमित सेवा लिइरहेका छन्। दुईवटा कार्यालयहरू भने पूर्णरूपमा ध्वस्त भएका कारण निर्माणाधीन छन्।

‘लाइसेन्स वितरण, ट्रायल, परीक्षा, नवीकरण जस्ता अत्यावश्यक सेवाहरू सञ्चालनमा आएका सबै कार्यालयहरूले सेवाग्राहीहरूलाई सहजीकरण गरिरहेका छन्,’ खतिवडाले भने।

२५ लाख लाइसेन्स वितरण गर्न बाँकी
विभागका अनुसार ट्रायल पास गरेका २५ लाख बढीको लाइसेन्स प्रिन्ट गरेर वितरण गर्न बाँकी रहेको छ। जेनजी आन्दोलनअघि दैनिक २५ सय लाइसेन्स प्रिन्ट गरेर वितरण गर्दै आएको विभागले प्रिन्टर जलेसँगै सेवाग्राहीलाई लाइसेन्स उपलब्ध गराउन सकेको थिएन।

विदेश जाने नेपाली र अत्यावश्यक क्षेत्रमा कार्यरत व्यक्तिलाई प्राथमिकतामा राखेर लाइसेन्स वितरणको काम भैरहेको विभागको भनाइ छ। लाइसेन्स प्राप्त नहुँदा धेरै सर्वसाधारणहरू मर्कामा परेका छन्।

‘हाल लाइसेन्स प्रिन्टको सन्दर्भमा हामीले सञ्चार मन्त्रालय अन्तर्गतको सुरक्षण मुद्रण केन्द्रसँग सम्झौता गरेका छौँ,’ खतिवडाले भने, ‘केन्द्रले पहिलो र दोस्रो चरणमा छापेका लाइसेन्स हामीलाई उपलब्ध गराइसकेको छ।’ यसअघि विभागले ‘चिप बेस’ लाइसेन्स प्रिन्ट गर्दै आएकोमा सुरक्षण मुद्रण केन्द्रले प्रिन्ट गर्ने लाइसेन्स भने ‘क्यूआर बेस’मा रहेको जनाएको छ।

कात्तिक १७ गते विभाग र केन्द्रबीच भएको सम्झौताअनुसार ६ महिनाभित्र केन्द्रले विभागलाई १२ लाख प्रति लाइसेन्स प्रिन्ट गरेर दिइसक्नुपर्छ। दुई चरणमा छापिएका लाइसेन्स विभागलाई बुझाइसकेको केन्द्रले तेस्रो चरणका लाइसेन्स पनि छापिसकेको जनाएको छ। तेस्रो चरणका लाइसेन्स भने उपलब्ध गराउन बाँकी छ।

सुरक्षण मुद्रण केन्द्रले प्रति लाइसेन्स १९५.१७ रूपैयाँ (करबाहेक)मा शूल्क लिइरहेको छ। लाइसेन्स प्रिन्टवापत करिब साढे २३ करोड रूपैयाँ विभागले केन्द्रलाई बुझाउनेछ।

विभागले प्रिन्ट भएर आएका लाइसेन्स वितरण गरिसकेको जनाएको छ।

फेसबुकबाटै छापिएका लाइसेन्सको जानकारी
विभागले फेसबुक पेजमार्फत् तयार भएर आएका लाइसेन्सको विवरण सार्वजनिक गर्दै आएको छ। ‘हेलो यातायात व्यवस्था विभाग’ नामक फेसबुकमार्फत वितरणयोग्य तयारी लाइसेन्सको विवरण विभागले अपडेट गर्दै आएको छ। साथै उसले विभागको सूचनापाटीमा समेत वितरण योग्य लाइसेन्सको विवरण टाँस गर्दै आएको जनाएको छ।

नेपालमा हाल ५७ लाखभन्दा बढी व्यक्तिहरूले सवारी लाइसेन्स प्राप्त गरिसकेका छन्। यीमध्ये २५ लाख भन्दा बढीले अझैं पनि लाइसेन्स कार्ड प्राप्त गर्न सकेका छैनन्। जेनजी आन्दोलन अगाडि नै यो समस्या रहेकोमा विभागसँगै अन्य यातायात कार्यालयहरू पनि जलेर ध्वस्त हुँदा सर्वसाधारणहरूलाई लाइसेन्स कार्ड प्राप्त गर्न अझैं समस्या परेको छ।

प्रकाशित: २०८२ मङ्सिर १४ गते आईतबार ०५:५५
प्रतिक्रिया

थप समाचार

भीमफेदीमा क्षमताभन्दा बढी सिट राखिएका ११ ईभीलाई कारवाही

हेटौंडा। सवारी दुर्घटना न्यूनीकरण तथा यात्रुको सुरक्षालाई मध्यनजर गर्दै मकवानपुर प्रहरीले क्षमताभन्दा बढी सिट जडान गरी सञ्चालन गरिएका विद्युतीय (ईभी) गाडीमाथि कारबाही अघि बढाएको छ। हिजो...

‘मिनी टिलर’ गोरुको विकल्प बन्दै

भोजपुर। दुर्गम पहाडी जिल्ला भोजपुरमा गोरुको विकल्पकारुपमा मिनी टिलरको प्रयोग बढ्दै जान थालेको छ । पछिल्लो समय जिल्लामा मिनी टिलरको बिक्री बढेको सिद्धकाली सप्लार्यसका प्रोपाइटर बाजिम मगरले...

ईभीमा प्राइसवारको असरः बीवाईडीको आम्दानी अनुमानभन्दा कम, नाफा १.५ अर्ब डलर

एजेन्सी। चिनियाँ विद्युतीय सवारी साधन (ईभी) निर्माता बीवाईडी अटोमोटिभ कम्पनीले अपेक्षाभन्दा कमजोर तेस्रो त्रैमासिक आम्दानी विवरण सार्वजनिक गरेको छ। यसले चिनियाँ अटोमोबाइल निर्माताहरूले...

हेटौँडा–सिस्नेरी–फर्पिङ सडकमा टाइम कार्ड लागू, कुन खण्ड पार गर्न कति समय लाग्छ ?

हेटौँडा। सवारी दुर्घटना न्यूनीकरण तथा सार्वजनिक सवारीसाधनको गति नियन्त्रण गर्ने उद्देश्यले मकवानपुरमा आजदेखि ‘टाइम कार्ड’ प्रणाली लागू गरिएको छ। जिल्ला प्रहरी कार्यालय मकवानपुरले हेटौँडादेखि...

सार्वजनिक सवारीमा अग्नि नियन्त्रक यन्त्र अनिवार्य गरिँदै

काठमाडौँ: काठमाडौँ उपत्यका ट्राफिक प्रहरी कार्यालयले यात्रुवाहक सार्वजनिक सवारीसाधनलाई थप सुरक्षित, व्यवस्थित र यात्रुमैत्री बनाउन बाटो इजाजत (रुट परमिट) सँगै अग्नि नियन्त्रक यन्त्र अनिवार्य...
New Project – 2026-11-18T133215.819
उद्योग

जलविद्युत्‌मा आक्रामक पिपुल्स हाइड्रोपावर, १२८ मेगावाटका ४ आयोजनामा लगानी

कम्पनीले आफ्नै स्वामित्वमा रहेको ५७ मेगावाटको हिमचुली दोर्दी जलविद्युत आयोजना, २१.४ मेगावाटको इंखुखोला जलविद्युत आयोजना, २७.९ मेगावाटको मिडिल इंखुखोला र २१.४ मेगावाटको न्यादी फिदी जलविद्युत...
News 3 (1).psd (26)
विचार

थुप्रिएको तरलता, सुस्ताएको लगानी: नेपाली अर्थतन्त्रको ‘प्याराडक्स अफ प्लेन्टी’

नेपाल ठ्याक्कै उल्टो, अनौठो र विरोधाभासपूर्ण आर्थिक मोडमा उभिएको छ। पर्याप्त विदेशी मुद्रा सञ्चिति छ, रेमिट्यान्सको बाढीले बैंकका भल्ट भरिभराउ छन्, ऋणको ब्याजदर सस्तो बिन्दुमा झरेको छ। तर...
balen
आर्थिक नीति

बैंकमा तरलता, व्यवसायीमा त्रास: सरकारले किन जित्न सकेन निजी क्षेत्रको विश्वास?

सरकारका पछिल्ला रवैयाहरूले अर्थतन्त्रमा ८१ प्रतिशत योगदान दिएको निजी क्षेत्र झनै त्रसित बन्न पुग्दा लगानीमैत्री वातावरण खलबलिएको छ।
News 3 (1).psd (24)
विचार

‘प्रधानमन्त्रीले भारत भ्रमणमा पञ्चेश्वर परियोजनामा सहमति गर्नुपर्छ’

नेपाल–भारत जलस्रोत सहकार्यमा अब ‘गिभ एण्ड टेक’ को समय
nnnn
राजनीति

नेपाल तरुण दल काठमाडौंको अध्यक्षमा कृपेश श्रेष्ठ मनोनीत, ६ महिनाभित्र जिल्ला अधिवेशन गराउने जिम्मेवारी

काठमाडौँ: नेपाल तरुण दल काठमाडौंको अध्यक्षमा कृपेश श्रेष्ठ मनोनीत भएका छन्। संगठनको संस्थागत सुदृढीकरण, सांगठनिक एकता र राजनीतिक गतिविधिलाई थप प्रभावकारी बनाउने उद्देश्यसहित श्रेष्ठलाई...

सम्पर्क

Homepage Media Pvt. Ltd.
सूचना विभाग दर्ता नंः ३८६१-०७९/८०

Anamnagar, Kathmandu, Nepal
फोन: +977-9849664207
इमेल: [email protected]

विज्ञापनको लागि

फोन: : +977-9802356661
इमेल : [email protected]
  • अध्यक्ष/प्रधान सम्पादक
    नारायण अमृत
  • सम्पादक
    बाबुराम खडका
  • प्रमुख कार्यकारी अधिकृत
    जीवन तिम्सिना