२०८३ मङ्सिर ६ गते आईतबार

तीन महिनामा बैंकको कर्जा ३.१ प्रतिशत बढेर पुग्यो १८४ अर्ब

 |  नेपाल क्लिक्स
Sanket

नेपाल क्लिक्स

काठमाडौँ, मङ्सिर ४
loan

काठमाडौँः चालू आर्थिक वर्ष २०८३/०८४ को पहिलो तीन महिनामा बैंक तथा वित्तीय संस्थाहरूमा निक्षेप र निजी क्षेत्रमा प्रवाहित कर्जा दुवै बढेको छ।

नेपाल राष्ट्र बैंकका अनुसार २०८३ असोज मसान्तसम्म बैंक तथा वित्तीय संस्थाहरूमा रहेको कुल निक्षेप २.८ प्रतिशत वृद्धि भई ८५ खर्ब ९ अर्ब ८२ करोड रुपैयाँ पुगेको छ। यस अवधिमा निक्षेप २ खर्ब ३२ अर्ब ८९ करोड रुपैयाँ बढेको हो।

अघिल्लो आर्थिक वर्षको सोही अवधिमा बैंक तथा वित्तीय संस्थाहरूको निक्षेप ३ प्रतिशत अर्थात् २ खर्ब १८ अर्ब ७२ करोड रुपैयाँ बढेको थियो। वार्षिक विन्दुगत आधारमा भने २०८३ असोजमा बैंक तथा वित्तीय संस्थाहरूको निक्षेप १३.७ प्रतिशत वृद्धि भएको छ।

निक्षेपसँगै बैंक तथा वित्तीय संस्थाहरूबाट निजी क्षेत्रमा प्रवाहित कर्जा पनि बढेको छ। समीक्षा अवधिमा निजी क्षेत्रतर्फको कर्जा ३.१ प्रतिशत अर्थात् १ खर्ब ८४ अर्ब १९ करोड रुपैयाँले वृद्धि भई ६० खर्ब ४१ अर्ब २५ करोड रुपैयाँ पुगेको राष्ट्र बैंकले जनाएको छ।

चालू आर्थिक वर्षमा राष्ट्र बैंकले ११ प्रतिशत कर्जा विस्तार हुने प्रक्षेपण गरेको छ।

अघिल्लो वर्षको सोही अवधिमा निजी क्षेत्रतर्फको कर्जा १.५ प्रतिशत अर्थात् ८२ अर्ब ९३ करोड रुपैयाँले मात्रै बढेको थियो। वार्षिक विन्दुगत आधारमा २०८३ असोज मसान्तमा निजी क्षेत्रतर्फ प्रवाहित कर्जा ८.३ प्रतिशतले बढेको छ।

निजी क्षेत्रमा प्रवाहित कुल कर्जामध्ये गैरवित्तीय संस्थागत क्षेत्रले ६२.९ प्रतिशत र व्यक्तिगत तथा घरपरिवार क्षेत्रले ३७.१ प्रतिशत हिस्सा ओगटेका छन्। अघिल्लो वर्षको सोही महिनामा यी क्षेत्रको हिस्सा क्रमशः ६२.८ प्रतिशत र ३७.२ प्रतिशत थियो। यसले कर्जाको क्षेत्रगत संरचनामा खासै ठूलो परिवर्तन नभएको देखाउँछ।

बैंक तथा वित्तीय संस्थाको प्रकारअनुसार समीक्षा अवधिमा वाणिज्य बैंकहरूको कर्जा ३.२ प्रतिशत र विकास बैंकहरूको कर्जा ३.१ प्रतिशतले बढेको छ। तर, वित्त कम्पनीहरूको कर्जा भने १.२ प्रतिशतले घटेको छ।

घरजग्गा धितोमा ६२.७ प्रतिशत कर्जा

बैंक तथा वित्तीय संस्थाहरूले प्रवाह गरेको कर्जाको ठूलो हिस्सा अझै पनि घरजग्गा धितोमा केन्द्रित रहेको छ। २०८३ असोज मसान्तसम्म बैंक तथा वित्तीय संस्थाहरूको कुल कर्जामध्ये घरजग्गा धितो सुरक्षणमा प्रवाहित कर्जाको हिस्सा ६२.७ प्रतिशत रहेको छ।

चालू सम्पत्ति अर्थात् कृषि तथा गैरकृषिजन्य वस्तुको सुरक्षणमा प्रवाहित कर्जाको हिस्सा १५.५ प्रतिशत छ।

अघिल्लो वर्षको सोही अवधिमा घरजग्गा धितोमा आधारित कर्जाको हिस्सा ६४.३ प्रतिशत र चालु सम्पत्तिको सुरक्षणमा आधारित कर्जाको हिस्सा १५ प्रतिशत थियो। यसअनुसार घरजग्गा धितोमा आधारित कर्जाको हिस्सा घटेको देखिए पनि कुल कर्जामा यसको हिस्सा अझै उच्च छ।

क्षेत्रगत रूपमा समीक्षा अवधिमा खनिज क्षेत्रमा प्रवाहित कर्जा सबैभन्दा बढी १७.८ प्रतिशत बढेको छ। त्यस्तै, यातायात उपकरण उत्पादन तथा मर्मत क्षेत्रमा १२.४ प्रतिशत र धातुजन्य उत्पादन, यन्त्र तथा विद्युतीय सामान उत्पादन तथा मर्मत क्षेत्रमा १०.७ प्रतिशत कर्जा वृद्धि भएको छ।

सञ्चार तथा सार्वजनिक सेवा क्षेत्रमा ५.४ प्रतिशत, सेवा उद्योगमा ३.९ प्रतिशत, थोक तथा खुद्रा व्यापारमा ३.९ प्रतिशत, यातायात तथा निर्माण क्षेत्रमा ३.८ प्रतिशत र औद्योगिक उत्पादन क्षेत्रमा २.३ प्रतिशतले कर्जा बढेको छ। उपभोग्य क्षेत्रमा पनि कर्जा २.३ प्रतिशतले वृद्धि भएको छ।

तर, कृषि क्षेत्रमा प्रवाहित कर्जा २.५ प्रतिशत र वित्त, बीमा तथा अचल सम्पत्ति क्षेत्रमा प्रवाहित कर्जा ०.७ प्रतिशतले घटेको छ।

कर्जाको प्रकृतिअनुसार विपन्न वर्ग कर्जा १५.१ प्रतिशतले बढेको छ। त्यस्तै, माग तथा अन्य चालू पुँजी कर्जा ५.२ प्रतिशत, रियल इस्टेट कर्जा (व्यक्तिगत आवासीय घर कर्जासमेत) ३.५ प्रतिशत, ट्रस्ट रिसिट (आयात) कर्जा २.९ प्रतिशत, मार्जिन प्रकृतिको कर्जा २.९ प्रतिशत र आवधिक कर्जा २.६ प्रतिशतले बढेको छ। अधिविकर्ष कर्जा १.५ प्रतिशत र हायर पर्चेज कर्जा १.२ प्रतिशतले बढ्दा क्यास क्रेडिट कर्जा भने १.८ प्रतिशत घटेको छ।

बैंक तथा वित्तीय संस्थाहरूको निक्षेप र कर्जा दुवैको ब्याजदर अघिल्लो वर्षको तुलनामा घटेको छ। २०८३ असोज मसान्तमा वाणिज्य बैंकहरूको कर्जाको भारित औसत ब्याजदर ६.३१ प्रतिशत कायम भएको छ। अघिल्लो वर्षको असोजमा यस्तो ब्याजदर ७.५० प्रतिशत थियो।

त्यस्तै, विकास बैंकहरूको कर्जाको भारित औसत ब्याजदर ७.५९ प्रतिशत र वित्त कम्पनीहरूको ८.३७ प्रतिशत रहेको छ। अघिल्लो वर्षको सोही अवधिमा विकास बैंकहरूको कर्जाको ब्याजदर ८.७७ प्रतिशत र वित्त कम्पनीहरूको १०.१८ प्रतिशत थियो।

निक्षेपको ब्याजदर पनि घटेको छ। समीक्षा अवधिमा वाणिज्य बैंकहरूको निक्षेपको भारित औसत ब्याजदर ३.०७ प्रतिशत रहेको छ।

अघिल्लो वर्ष यस्तो ब्याजदर ३.८५ प्रतिशत थियो। विकास बैंकहरूको निक्षेपको ब्याजदर ४.४५ प्रतिशतबाट घटेर ३.४४ प्रतिशत र वित्त कम्पनीहरूको ५.६२ प्रतिशतबाट घटेर ३.९७ प्रतिशतमा झरेको छ।

बैंकहरूको आधार दरमा पनि गिरावट आएको छ। २०८३ असोज मसान्तमा वाणिज्य बैंकहरूको औसत आधार दर ४.६९ प्रतिशत रहेको छ।

अघिल्लो वर्षको सोही अवधिमा यस्तो दर ५.५६ प्रतिशत थियो। विकास बैंकहरूको आधार दर ७.९२ प्रतिशतबाट घटेर ६.६५ प्रतिशत र वित्त कम्पनीहरूको ८.४८ प्रतिशतबाट घटेर ६.७४ प्रतिशतमा झरेको छ।

सरकारी ऋणपत्रअन्तर्गत ९१ दिने ट्रेजरी बिलको भारित औसत ब्याजदर पनि घटेको छ। २०८२ असोज मसान्तमा १.९१ प्रतिशत रहेको यस्तो ब्याजदर २०८३ असोज मसान्तमा १.०१ प्रतिशतमा झरेको छ।

त्यस्तै, अघिल्लो वर्षको असोज मसान्तमा २.५८ प्रतिशत रहेको भारित औसत अन्तरबैंक दर समीक्षा अवधिमा २.७५ प्रतिशत पुगेको छ।

प्रकाशित: २०८३ मङ्सिर ४ गते शुक्रबार ०७:५४
प्रतिक्रिया

थप समाचार

बजारमा ५ रुपैयाँका करिब साढे ७९ करोड थान नोट, हजारका कति?

एक वर्षमा ४६ अर्बभन्दा बढीका नयाँ नोट बजारमा

राष्ट्र बैंकको नाफा ८३ अर्ब नाघ्यो, सरकारलाई  ४२ अर्ब

स्वदेशी मुद्राको ब्याज आम्दानी भने नकारात्मक

रश्मी पन्तसहित प्रभु बैंकका २ कर्मचारी बर्खास्त, २ जनाको पद घटुवा

काठमाडौँ: प्रभु बैंकले कर्जा प्रवाह र रेमिट्यान्स कारोबारसँग सम्बन्धित विषयमा अनुशासनात्मक कारबाही गर्दै चार कर्मचारीमाथि कारबाही गरेको छ। बैंकले चिफ बिजनेस अफिसर रश्मी पन्तसहित दुई कर्मचारीलाई...

तलबभन्दा साढे ४ गुणा बढी भत्ता, गभर्नरदेखि सञ्चालकसम्म कसले कति पाए सुविधा?

गत आवमा राष्ट्र बैंकका उच्च पदाधिकारीको तलबमा ४८ लाख ९६ हजार खर्च हुँदा अन्य भत्ता तथा सुविधामा २ करोड १५ लाख ९७ हजार रुपैयाँ खर्च भएको छ।

फिचको निष्कर्षः खराब कर्जाले बैंकको सम्पत्तिको गुणस्तर निरन्तर खस्कँदो

फिचले नेपालको सार्वभौम साख मूल्यांकन गर्ने क्रममा बैंकिङ क्षेत्रको बढ्दो खराब कर्जालाई रेटिङ सुधारमा बाधक बन्न सक्ने महत्वपूर्ण पक्षका रूपमा उज्जागर गरेको छ।
New Project – 2026-11-18T133215.819
उद्योग

जलविद्युत्‌मा आक्रामक पिपुल्स हाइड्रोपावर, १२८ मेगावाटका ४ आयोजनामा लगानी

कम्पनीले आफ्नै स्वामित्वमा रहेको ५७ मेगावाटको हिमचुली दोर्दी जलविद्युत आयोजना, २१.४ मेगावाटको इंखुखोला जलविद्युत आयोजना, २७.९ मेगावाटको मिडिल इंखुखोला र २१.४ मेगावाटको न्यादी फिदी जलविद्युत...
balen
आर्थिक नीति

बैंकमा तरलता, व्यवसायीमा त्रास: सरकारले किन जित्न सकेन निजी क्षेत्रको विश्वास?

सरकारका पछिल्ला रवैयाहरूले अर्थतन्त्रमा ८१ प्रतिशत योगदान दिएको निजी क्षेत्र झनै त्रसित बन्न पुग्दा लगानीमैत्री वातावरण खलबलिएको छ।
News 3 (1).psd (26)
विचार

थुप्रिएको तरलता, सुस्ताएको लगानी: नेपाली अर्थतन्त्रको ‘प्याराडक्स अफ प्लेन्टी’

नेपाल ठ्याक्कै उल्टो, अनौठो र विरोधाभासपूर्ण आर्थिक मोडमा उभिएको छ। पर्याप्त विदेशी मुद्रा सञ्चिति छ, रेमिट्यान्सको बाढीले बैंकका भल्ट भरिभराउ छन्, ऋणको ब्याजदर सस्तो बिन्दुमा झरेको छ। तर...
News 3 (1).psd (24)
विचार

‘प्रधानमन्त्रीले भारत भ्रमणमा पञ्चेश्वर परियोजनामा सहमति गर्नुपर्छ’

नेपाल–भारत जलस्रोत सहकार्यमा अब ‘गिभ एण्ड टेक’ को समय
nnnn
राजनीति

नेपाल तरुण दल काठमाडौंको अध्यक्षमा कृपेश श्रेष्ठ मनोनीत, ६ महिनाभित्र जिल्ला अधिवेशन गराउने जिम्मेवारी

काठमाडौँ: नेपाल तरुण दल काठमाडौंको अध्यक्षमा कृपेश श्रेष्ठ मनोनीत भएका छन्। संगठनको संस्थागत सुदृढीकरण, सांगठनिक एकता र राजनीतिक गतिविधिलाई थप प्रभावकारी बनाउने उद्देश्यसहित श्रेष्ठलाई...

सम्पर्क

Homepage Media Pvt. Ltd.
सूचना विभाग दर्ता नंः ३८६१-०७९/८०

Anamnagar, Kathmandu, Nepal
फोन: +977-9849664207
इमेल: [email protected]

विज्ञापनको लागि

फोन: : +977-9802356661
इमेल : [email protected]
  • अध्यक्ष/प्रधान सम्पादक
    नारायण अमृत
  • सम्पादक
    बाबुराम खडका
  • प्रमुख कार्यकारी अधिकृत
    जीवन तिम्सिना