काठमाडौँ: मंसिर लागेसँगै नेपाली बजारमा सुनको मूल्य निरन्तर ओरालो लागेको छ।
सुनको कारोबार उच्च हुने मंसिर महिनामा चारै दिन सुन सस्तिएको छ। मंसिर १ गते १ हजार ९००, २ गते ६ हजार ३०० र मंसिर ३ गते ३ हजार ३०० रुपैयाँले सुनको मूल्य घटेको छ। मंसिर ४ गते शुक्रबार एकैदिन सुनको मूल्य १२ हजार २०० रुपैयाँले गिरेको छ।
पछिल्लो मूल्य विवरणअनुसार कात्तिक २७ गतेदेखि मंसिर ४ गतेसम्म आइपुग्दा सुनको मूल्य प्रतितोला २६ हजार ३०० रुपैयाँले घटेको छ।
नेपाल सुनचाँदी व्यवसायी महासंघले सार्वजनिक गरेको मूल्यसूचीअनुसार कात्तिक २७ गते सुन प्रतितोला २ लाख ७१ हजार ७०० रुपैयाँमा कारोबार भएको थियो।
त्यसयता निरन्तर सुनको मूल्य घटेर शुक्रबार २ लाख ४५ हजार ४०० रुपैयाँ कायम भएको छ।

