२०८३ मङ्सिर ६ गते आईतबार

स्वेट शेयरले वैधता पाउँदै, कम्पनी ऐन संशोधनको तयारी

 |  रेम बिक
Sanket

रेम बिक

काठमाडौँ, मङ्सिर १०
sweat_share

काठमाडौँ: नेपालमा स्वेट शेयरले वैधता पाउने भएको छ। कुनै पनि कम्पनीले दक्षता, योगदान र एक्सचेन्जको आधारमा व्यक्तिलाई नि:शुल्क दिन सक्ने स्वेट शेयरको विषयमा यसअघि नेपालमा कुनै कानुन बनेको थिएन। कम्पनी ऐनमा नसमेटिएको स्वेट शेयरको विषयलाई सम्बोधन गर्न उद्योग, वाणिज्य तथा आपूर्ति मन्त्रालयले कानुन नै संशोधन गर्ने तयारी गरेको छ।

कम्पनी ऐन २०७३ लाई अघिल्लो आर्थिक वर्षमा पनि दोस्रोपटक संशोधन गरेको मन्त्रालयले चालु आर्थिक वर्षमा पनि थप संशोधनको प्रस्ताव अगाडि सारेको छ। संशोधनको सम्बन्धमा कम्पनी रजिस्ट्रारको कार्यालयले हाल काम गरिरहेको छ। ‘कम्पनी ऐनमा नभएको स्वेट शेयरको विषयसमेत पछिल्लो संशोधनले समेट्ने भएको छ,’ उद्योग, वाणिज्य तथा आपूर्ति मन्त्रालयका प्रवक्ता जितेन्द्र बस्नेत नेपाल क्लिक्ससँग भने, ‘कार्यविधि बनिसकेपछि भने स्वेट शेयर दिन सकिने विषय स्पष्ट बन्छ।’

हाल नेपालका विभिन्न कम्पनीहरूले आफ्ना कर्मचारीहरूलाई आन्तरिक रूपमा स्वेट शेयर दिइरहेका भए पनि कानुनी रूपमा यस्तो शेयरको विषयमा कुनै काम भएको थिएन। चालु आर्थिक वर्षको बजेटले विदेशी कम्पनीमा नेपालीहरूलाई प्रविधि र सेवा उपलब्ध गराएबापत स्वेट शेयर लिन सकिने व्यवस्था गर्ने जनाएको थियो।

कम्पनी रजिस्ट्रार कार्यालयले स्वेट शेयरको प्रावधान समेत समेटिने गरी तयार पारेको संशोधित कार्यविधि मन्त्रालयमा पेश गरिसकेको छ। यद्यपि, कार्यविधिलाई पूर्णता दिन अर्थ मन्त्रालयको स्वीकृति आवश्यक रहेकोले त्यसको प्रक्रिया अगाडि बढाइएको कम्पनी रजिस्ट्रार कार्यालयका उपरजिस्ट्रार रामप्रसाद ज्ञवालीले जानकारी दिए।

‘अर्थको स्वीकृतिसँगै थप कार्यविधिसहितको कम्पनी ऐन संशोधनका लागि प्रक्रिया अगाडि बढ्नेछ,’ ज्ञवालीले भने, ‘नेपालको इतिहासमै पहिलोपटक कम्पनीहरूले सेवा र दक्षताको आधारमा आफ्ना कर्मचारीहरूलाई कानुनी रूपमा नै स्वेट शेयर उपलब्ध गराउन सक्नेछन्।’

स्वेट शेयर सम्बन्धी कानुन बनिसकेपछि नेपाली कामदारलाई विदेशी कम्पनीहरूमा सेवा र दक्षताको आधारमा स्वेट शेयर लिने बाटोसमेत खुल्नेछ। कम्पनी ऐन सम्बन्धी संशोधित कार्यविधिसहितको मसौदा (ड्राफ्ट) तयार भइसकेको र बजेटमा समेत समेटिएको हुँदा अर्थ मन्त्रालय पनि यो विषयमा सकारात्मक रहेको मन्त्रालयका प्रवक्ता टंकप्रसाद पाण्डेले बताए। ‘सहमतिको लागि मन्त्रालयमा परिपत्र आएको १५ दिनभित्रै हामीले सहमति दिनुपर्छ,’ पाण्डेले भने, ‘बजेटले समेत प्राथमिकतामा राखेको यो विषयमा आवश्यक अध्ययनपछि सहमति दिइनेछ। मन्त्रालय यो विषयमा सकारात्मक नै छ।’

कम्पनीहरूले आपसी सहमतिको आधारमा नेपालमा यस्तो स्वेट शेयर दिने चलन भए पनि कम्पनी रजिस्ट्रारको कार्यालयमा भने सम्बन्धित शेयरधनीमार्फत शेयर पुँजी जम्मा गर्नैपर्ने बाध्यता थियो। केही समय अघि गोरखा मिडियाको मुद्दाको क्रममा तत्कालीन प्रबन्ध निर्देशक रवि लामिछानेले पनि सो कम्पनीमा आफूले स्वेट शेयर पाएको दाबी गरेका थिए। तर, कम्पनी रजिस्ट्रारको कार्यालयले नेपालमा त्यस्तो कुनै स्वेट शेयरको ‘कन्सेप्ट’ नै नभएको प्रतिक्रिया दिएको थियो। पूर्वसांसद सूर्य थापाको संयोजकत्वमा गठन भएको सहकारी समस्या समाधान सिफारिस समितिले स्वेट शेयरको विषयमा कानून बनाउन सुझाएको छ।

अन्तर्राष्ट्रियस्तरमा विशेषगरी नवप्रवर्तन (स्टार्टअप) कम्पनीहरूले दक्षताको आधारमा आफ्ना कर्मचारीहरूलाई यस्तो शेयर दिने चलन छ। श्रम, सेवा, दक्षता र बौद्धिक सम्पत्ति लगायतलाई शेयर मानेर कम्पनीले बिना कुनै शुल्क दिने शेयरलाई स्वेट शेयर भनिन्छ। भारतको कम्पनी ऐनले चालू अवस्थामा रहेको कम्पनीहरूले १५ प्रतिशत र नयाँ स्टार्टअप कम्पनीहरूले २५ प्रतिशतसम्म यस्तो शेयर दिन पाउने व्यवस्था गरेको छ। विभिन्न मुलुकमा फरक–फरक शैलीमा यस्तो शेयरको सीमितता तोकिए पनि अधिकतम ४० प्रतिशतभन्दा बढी स्वेट शेयर कम्पनीले बाँड्न नपाउने अन्तर्राष्ट्रिय मान्यता छ। नेपालको सवालमा यो दर २ देखि ४ प्रतिशतसम्म हुन सक्ने गरी हालको संशोधित कार्यविधिको ड्राफ्टमा उल्लेख छ।

प्रकाशित: २०८२ मङ्सिर १० गते बुधबार ०५:५७
प्रतिक्रिया

थप समाचार

स्टार्टअपदेखि पूर्वाधारसम्म निजी लगानी विस्तार गर्दै धितोपत्र बोर्ड

काठमाडौँः नेपाल धितोपत्र बोर्ड (सेबोन) ले निजी पूँजी बजारलाई विस्तार गर्दै स्टार्टअप, साना तथा मझौला उद्यम र पूर्वाधार क्षेत्रमा लगानी आकर्षित गर्ने उद्देश्यले नयाँ नियमावलीको मस्यौदा सार्वजनिक...

पुँजीबजार सुधारको २१ बुँदे कार्ययोजना कार्यान्वयनमा सहकार्य गर्ने नेप्से सीईओको प्रतिबद्धता

काठमाडौँ: नेपाल स्टक एक्सचेन्ज (नेप्से) का प्रमुख कार्यकारी अधिकृत (सीईओ) प्रताप सुवेदीले पुँजीबजार सुधार तथा पुनरुत्थानका लागि अर्थ मन्त्रालयले अघि सारेको २१ बुँदे कार्ययोजना कार्यान्वयनमा...

मङ्सिर १० देखि आईपीओ निष्काशन गर्दै कान्तिपुर फर्मासुटिकल्स ल्याब

काठमाडौँः पशु औषधि तथा पशु आहार पूरक उत्पादन गर्दै आएको कान्तिपुर फर्मास्युटिकल्स ल्याब लिमिटेडले सर्वसाधारणमा सेयर निष्कासन गर्ने प्रक्रिया अघि बढाएको छ। कम्पनीले आगामी मंसिर १० गतेदेखि...

सेयर बजार बन्द हुँदा लगानीकर्ताले गर्न सक्ने ७ काम

काठमाडौँः सेयर बजारमा लगानी गर्नेहरूका लागि बजार खुल्ने दिन मात्रै महत्त्वपूर्ण हुँदैन। बजार बन्द रहेको समयमा पनि लगानीकर्ताले आफ्नो पोर्टफोलियो व्यवस्थापन, कम्पनीको वित्तीय अवस्था अध्ययन...

हिम पर्वत हाइड्रोले सिटिजन्स बैंकको ऋण तिर्न ५९ करोडको आईपीओ ल्याउदै

कम्पनीले ५९ करोड १५ लाख रुपैयाँ बराबरको आईपीओ निष्कासन गर्ने भएको छ। कम्पनीले गत आर्थिक वर्ष २०८२/०८३मा १७ करोड रुपैयाँ खुदनाफा कमाएको छ।
New Project – 2026-11-18T133215.819
उद्योग

जलविद्युत्‌मा आक्रामक पिपुल्स हाइड्रोपावर, १२८ मेगावाटका ४ आयोजनामा लगानी

कम्पनीले आफ्नै स्वामित्वमा रहेको ५७ मेगावाटको हिमचुली दोर्दी जलविद्युत आयोजना, २१.४ मेगावाटको इंखुखोला जलविद्युत आयोजना, २७.९ मेगावाटको मिडिल इंखुखोला र २१.४ मेगावाटको न्यादी फिदी जलविद्युत...
News 3 (1).psd (26)
विचार

थुप्रिएको तरलता, सुस्ताएको लगानी: नेपाली अर्थतन्त्रको ‘प्याराडक्स अफ प्लेन्टी’

नेपाल ठ्याक्कै उल्टो, अनौठो र विरोधाभासपूर्ण आर्थिक मोडमा उभिएको छ। पर्याप्त विदेशी मुद्रा सञ्चिति छ, रेमिट्यान्सको बाढीले बैंकका भल्ट भरिभराउ छन्, ऋणको ब्याजदर सस्तो बिन्दुमा झरेको छ। तर...
balen
आर्थिक नीति

बैंकमा तरलता, व्यवसायीमा त्रास: सरकारले किन जित्न सकेन निजी क्षेत्रको विश्वास?

सरकारका पछिल्ला रवैयाहरूले अर्थतन्त्रमा ८१ प्रतिशत योगदान दिएको निजी क्षेत्र झनै त्रसित बन्न पुग्दा लगानीमैत्री वातावरण खलबलिएको छ।
News 3 (1).psd (24)
विचार

‘प्रधानमन्त्रीले भारत भ्रमणमा पञ्चेश्वर परियोजनामा सहमति गर्नुपर्छ’

नेपाल–भारत जलस्रोत सहकार्यमा अब ‘गिभ एण्ड टेक’ को समय
nnnn
राजनीति

नेपाल तरुण दल काठमाडौंको अध्यक्षमा कृपेश श्रेष्ठ मनोनीत, ६ महिनाभित्र जिल्ला अधिवेशन गराउने जिम्मेवारी

काठमाडौँ: नेपाल तरुण दल काठमाडौंको अध्यक्षमा कृपेश श्रेष्ठ मनोनीत भएका छन्। संगठनको संस्थागत सुदृढीकरण, सांगठनिक एकता र राजनीतिक गतिविधिलाई थप प्रभावकारी बनाउने उद्देश्यसहित श्रेष्ठलाई...

सम्पर्क

Homepage Media Pvt. Ltd.
सूचना विभाग दर्ता नंः ३८६१-०७९/८०

Anamnagar, Kathmandu, Nepal
फोन: +977-9849664207
इमेल: [email protected]

विज्ञापनको लागि

फोन: : +977-9802356661
इमेल : [email protected]
  • अध्यक्ष/प्रधान सम्पादक
    नारायण अमृत
  • सम्पादक
    बाबुराम खडका
  • प्रमुख कार्यकारी अधिकृत
    जीवन तिम्सिना