काठमाडौं। अन्तर्राष्ट्रिय बजारमा कच्चा तेलको भाउमा गिरावट आएको छ। कच्चा तेलको भाउ घटेर ब्यारेलको १०० डलर तल आएको छ।
ब्रेन्ट क्रुडमा कच्चा तेलको भाउ घटेर ब्यारेलको ९५.८४ डलरमा कारोबार भएको आयल प्राइस डटकमले जनाएको छ।
यस्तै पश्चिम एसियामा सैन्य तनाव पुनः बढेपछि दुई साताअघि अन्तर्राष्ट्रिय बजारमा कच्चा तेलको मूल्य प्रतिब्यारेल ११७ डलर माथि पुगेको थियो।
ब्रेन्ट क्रुडमा कच्चा तेलको भाउ बढेर ब्यारेलको ११७.३ डलरमा कारोबार भएको थियो। खाडीमा शान्त बनेसँगै कच्चा तेलको भाउ ओरालो लागेको हो।
कच्चा तेलको बढ्दो मूल्यले विश्व बजारमा मंहगी बढाएकोमा घटेपछि कम हुने संभावना बढेको छ। पश्चिम एसियामा सैन्य तनाव बढे कच्चा तेलको भाउ पुनः उकालो लाग्ने संभावना छ।
गत फेब्रुअरीमा अमेरिका, इजरायल र इरानबीच युद्ध सुरु भएपछि कच्चा तेलको भाउ निरन्तर उकालो लागेर ब्यारेलको १२५ डलरमाथि पुगेको थियो।

