काठमाडौँ: नेपाल प्रिमियर लिग (एनपीएल)काे तेस्रो सिजनमा निरन्तर तेस्रो पटक सुदूरपश्चिम रोयल्स फाइनलमा प्रवेश गरेको छ।
बिहीबार सम्पन्न दोस्रो क्वालिफायरमा चितवन राइनोजलाई ३ विकेटले पराजित गर्दै सुदूरपश्चिमले उपाधि भिडन्तका लागि स्थान सुरक्षित गरेको हो।
चितवनले दिएको १३४ रनको लक्ष्य सुदूरपश्चिमले १९.५ ओभरमा एक बल बाँकी छँदै पूरा गरी रोमाञ्चक जित निकाल्यो। यससँगै एनपीएलका तीनवटै संस्करणमा फाइनल पुग्ने सुदूरपश्चिम एक्लो टोली बनेको छ।
फाइनल पुगे पनि हालसम्म सुदूरपश्चिमले उपाधि जित्न सकेको छैन, जसकारण उपाधि जित्नुपर्ने दबाबमा सुदूरपश्चिम छ।
सुदूरपश्चिमले उपाधिका लागि शनिबार लुम्बिनी लायन्ससँग भिडन्त गर्नेछ। लुम्बिनी एनपीएलको साविक विजेता हो।

