‘आईफा अवार्ड’मा एकसाथ होस्ट गर्दैछन् शाहरुख र करण

काठमाडौं– अन्तर्राष्ट्रिय भारतीय फिल्म एकेडेमी (आईफा) अवार्डले आफ्नो २३ वर्ष पूरा गरेको छ।

यस वर्षको २४ औं संस्करण सेप्टेम्बर २७ देखि २९ सम्म अबुधाबीमा आयोजना हुने भएको छ। बलिउडका चर्चित अभिनेता शाहरुख खान र निर्देशक करण जोहरले यस कार्यक्रमलाई होस्ट गर्नेछन्।

तीन दिने यो भव्य कार्यक्रम सेप्टेम्बर २७ मा ‘आईफा उत्सव’ नामक विशेष समारोहबाट सुरु हुनेछ। यस समारोहले दक्षिण भारतीय चलचित्र उद्योगका स्टारहरूलाई सम्मान गर्नेछ। सेप्टेम्बर २८ मा मुख्य ‘आईफा अवार्ड’ कार्यक्रम सम्पन्न हुनेछ। अन्तिम दिन, सेप्टेम्बर २९ मा, ‘आईफा रक्स’ नामक कार्यक्रमसँगै यस महोत्सवको समापन हुनेछ।

शाहरुख खानको उत्साह

आईफाको २४ औं संस्करणको बारेमा आफ्नो विचार व्यक्त गर्दै शाहरुख खानले भने, ‘आईफा भारतीय सिनेमाको उत्सव हो, जुन विश्वभर गुन्जिन्छ। वर्षौंको यो यात्रामा सहभागी हुन पाउनु मेरा लागि अचम्मको कुरा हो। म यस सेप्टेम्बरमा भारतीय सिनेमाको यो अविस्मरणीय उत्सवको लागि फेरि एकपटक आईफाको ऊर्जा, जोश, र भव्यता प्रदर्शन गर्न तत्पर छु।’

शाहिद कपुरको विशेष प्रस्तुति

अभिनेता शाहिद कपुरले पनि यो आईफामा आफ्नो विशेष प्रस्तुति दिनेछन्।

यसबारेमा कुरा गर्दै उनले भने, ‘आईफा मेरो लागि सधैं रोमाञ्चक घटना भएको छ, र यो प्रतिष्ठित विश्वव्यापी मञ्चमा प्रस्तुति दिन हरेक चोटी जादुयी अनुभव हुन्छ।’

यस वर्षको आईफा अवार्ड अझ भव्य र स्टारहरूले भरिएको हुने अपेक्षा गरिएको छ।