लमजुङ: लमजुङको सुन्दरबजार नगरपालिका–८ कुसुण्डे निवासी एरिका सापकोटाले ‘लकडाउन’को समयलाई सदुपयोग गरी गर्न चित्र कोर्न थालिन्। कुनैबेला समय बिताउन चित्र कोर्न सुरु गरेकी उनी अहिले कुशल चित्रकार बनेकी छन्।
आईटी इन्जिनियर सापकोटाले कोभिड महामारीको बेला भएको लकडाउनमा कुची र रङसँग मित्रता गरेकी थिइन्। ‘कोरोनाको समयमा घर बाहिर निस्कन नहुने भयो, सोही समयलाई सदुपयोग गर्दै कुची र रङ खेलाउन थालेँ, अहिले व्यावसायिक रुपमा चित्र बेच्न थालेकी छु’, उनले भनिन्।
आफ्नो इन्जिनियरिङको कामबाट केही समय सदुपयोग गरी वा कम्प्युटर हेर्दाहेर्दै दिक्क लागेको समयमा चित्र बनाउने बताउँछिन्। यसबाट ध्यान विकेन्द्रित नहसने र मनलाई प्रफुल्लित बनाउने उनको अनुभव छ।
घरमा बसेर आइटीको क्षेत्रमा देश विदेशका काम गर्नु र त्यसबाट फुर्सद निकालेर चित्र बनाउनु अहिले उनको दिनचर्या बनेको छ।
