एनएमबि बैंकले सेयरधनीलाई बाँड्ने भयो १ अर्ब ४७ करोड रुपैयाँभन्दा बढी लाभांश

काठमाडौँः एनएमबि बैंक लिमिटेडले आर्थिक वर्ष २०८२/८३ को मुनाफाबाट सेयरधनीलाई १ अर्ब ४७ करोड रुपैयाँभन्दा बढी नगद लाभांश वितरण गर्ने प्रस्ताव गरेको छ। बैंकको सञ्चालक समितिले साधारण सेयरधनीलाई ७ प्रतिशत र अग्राधिकार सेयरधनीलाई ८.२५ प्रतिशत नगद लाभांश दिने निर्णय गरेको हो।

बैंकको प्रस्तावअनुसार साधारण सेयरधनीलाई करसहित १ अर्ब ३४ करोड ९९ लाख ५२ हजार ८८८ रुपैयाँ नगद लाभांश वितरण गरिनेछ। त्यस्तै, अग्राधिकार शेयरधनीका लागि करसहित १२ करोड २० लाख ५४ हजार ७९४ रुपैयाँ ५२ पैसा छुट्याइएको छ।

यसअनुसार दुवै प्रकारका शेयरधनीलाई वितरण गर्न प्रस्ताव गरिएको कुल नगद लाभांश १ अर्ब ४७ करोड २० लाख ७ हजार ६८२ रुपैयाँ ५२ पैसा पुग्छ।

साधारण शेयरधनीका लागि प्रस्ताव गरिएको ७ प्रतिशत लाभांश बैंकको हाल कायम चुक्ता पुँजीका आधारमा निर्धारण गरिएको हो। अग्राधिकार शेयरधनीले भने ८.२५ प्रतिशतका दरले नगद लाभांश पाउने प्रस्ताव गरिएको छ।

बैंकको सञ्चालक समितिको बैठकले गरेको यो निर्णय कार्यान्वयनमा आउन भने नियामकीय र संस्थागत प्रक्रिया पूरा हुनुपर्नेछ। प्रस्तावित लाभांशले नेपाल राष्ट्र बैंकबाट स्वीकृति पाएपछि बैंकको आगामी वार्षिक साधारण सभाबाट अनुमोदन गरिनेछ। त्यसपछि मात्रै शेयरधनीलाई लाभांश वितरण गर्ने प्रक्रिया अघि बढ्नेछ।

यसरी एनएमबि बैंकले आर्थिक वर्ष २०८२/८३ का लागि साधारण तथा अग्राधिकार शेयरधनीलाई गरी करिब १ अर्ब ४७ करोड २० लाख रुपैयाँ नगद लाभांश वितरण गर्ने प्रस्ताव गरेको छ।