अन्तर्राष्ट्रिय बजारमा कच्चा तेलको भाउ बढेर पुग्यो ६८ डलरमाथि

काठमाडौं। विश्व बजारमा कच्चा तेलको भाउ बढेर प्रतिब्यारेल ६८ डलर माथि पुगेको छ। ६५.२९ डलरसम्म पुगेको छ। गत राती मुरवान क्रुडमा ब्यारेलको ६८.४२ डलरमा कारोबार भएको छ। ब्यारेलमा २६ सेन्ट घटेको आयल प्राइस डटकमले जनाएको छ।

यस्तै ब्रेन्ट क्रुडमा पनि ब्यारेलको ६७.५१ र डब्ल्यूटीआई क्रुडमा ६३.०७ डलरमा कारोबार भएको आयल प्राइसले जनाएको छ। आइतबारको तुलनामा सोमबार कच्चा तेलको मूल्य केही घटेको छ।

पछिल्लो समय अमेरिका र इरानबीच बढ्दो तनावले पनि कच्चा तेलको भाउ बढेको बताइएको छ।कच्चा तेलको भाउ घटेर ब्यारेलको ५६.७४ डलरसम्म झरेकोमा ग्राफ पुनः उकालो लागेको छ।

यो वर्ष विश्व तेल बजार कमजोर रहने अनुमान गरिएको छ। वेस्ट टेक्सास इन्टरमिडिएट (डब्ल्युटीआई) को तेलको मूल्य २०२६ को अन्त्यमा ब्यारेलको ६२ डलरमा रहने अनुमान तेल कम्पनीहरुले गरेका छन्।

जुन अन्तर्राष्ट्रिय ऊर्जा एजेन्सीले २०२५ को लागि प्रक्षेपण गरेको औसत ६५.३२ प्रति ब्यारेल भन्दा कम हो। एजेन्सीले २०२६ मा ब्रेन्ट क्रूडको औसत मूल्य ब्यारेलको ५५.०८ डलर हुने अनुमान गरेको छ। डब्ल्युटीआईको औसत ५१.४२ ब्यारेल हुने अपेक्षा गरिएको छ।

यदि ट्रम्प प्रशासन युक्रेन द्वन्द्व अन्त्य गर्न सफल भयो र रूसी प्रतिबन्धहरू हटाइयो भने २०२६ मा तेल बजारहरू अत्यधिक आपूर्ति हुने अनुमान गरिएको छ।

यद्यपि, यदि रूसी प्रतिबन्धहरू जारी रहेमा इरान र भेनेजुएलाबाट तेलको मात्रा घटेसँगै बजारहरू सन्तुलित स्थितिमा पुग्न सक्ने देखिएको छ।

भेनजुलएलाबाट ठूलो परिमाण तेल आपूर्ति गर्नै योजना अमेरिकाको छ। यद्यपि, त्यहाँबाट दैनिक १० लाख ब्यारेल मात्र उत्पादन गर्न सकिने देखाएको छ।

यता भारतका सर्वाधिक धनी मुकेश अम्बानीले रसियन तेलको विकल्पमा भेनेजुएलाबाट कच्चा तेल किन्ने योजना बनाएको भारतीय सञ्चार माध्यमहरुले जनाएका छन्। भारतले रुसको तेलमाथिको निर्भरता कम गर्ने भएको छ।

यसको असर विश्व तेल बजारमा पर्न सक्ने अनुमान गरिएको छ। रुस र युक्रेन युद्ध सुरु भएपछि २०७८ माघमा विश्व बजारमा कच्चा तेलको भाउ आकासिएर ब्यारेलको १४० डलरसम्म पुगेको थियो। त्यसपछि निरन्तर घट्दै आएको छ।

यस्तै आगामी सन् २०२७ र २०२८ मा कच्चा तेल ब्यारेलको औसत ६९, २०२९ र २०३० सम्ममा ब्यारेलको ७५ डलर हुने अनुमान गरिएको छ। २०२५ को मार्चमा कच्चा तेलको भाउ घटेर ५६ डलरमा आएको थियो।

कच्चा तेलका साथै सुन र डलरको भाउ उकालो लागेको छ।