भारतमा एआई डाटा सेन्टर बनाउन एक खर्ब डलर लगानी गर्ने गौतम अदानीको घोषणा

एजेन्सी। पूर्वाधारमा लगानी केन्द्रीत गरेको भारतको व्यवसायिक घरना अदानी ग्रुपले सूचना प्रविधि क्षेत्रमा लगानी विस्तार गर्ने भएको छ। ग्रुपले कृत्रिम बुद्धिमत्ता (एआई) का लागि डेटा सेन्टर स्थापना गर्न एक खर्ब अमेरिकी डलर लगानीको घोषणा गरेको छ।

अदानीले आगामी सन् २०३५ सम्म उक्त रकम डाटा सेन्टरमा लगानी गर्ने जानकारी दिएको द इकोनोमिक टाइम्सले जनाएको छ।

डेटा सेन्टरहरू नवीकरणीय ऊर्जाद्वारा सञ्चालित हुने ग्रुपले मंगलबार एक विज्ञप्ति जारी गरी यस्तो जानकारी गराएको हो। लगानीले आवश्यक ऊर्जा र कम्प्युटिङ प्लेटफर्महरू सिर्जना गरेर भारतलाई एआईमा अग्रणी बनाउने लक्ष्य राखेको छ।

यो प्रारम्भिक लगानीले आगामी सन् २०३५ सम्ममा सर्भर निर्माण, विद्युतीय प्रणाली र क्लाउड प्लेटफर्मसहित सम्बन्धित उद्योगहरूमा थप एक खर्ब ५० अर्ब डलर पुर्याउने अपेक्षा गरिएको छ। यसले अर्को दशकमा भारतमा दुई खर्ब ५० अर्ब डलरको एआई पूर्वाधार सिर्जना गर्ने जानकारी ग्रुपले दिएको छ।

अदानी समूहका अध्यक्ष गौतम अदानीले ऊर्जा र कम्प्युटिङ पावर दुवै नियन्त्रण गर्ने देशहरूले भविष्यमा नेतृत्व गर्ने बताएका छन्।

“अदानीमा हामी भारतको प्राविधिक सार्वभौमिकतामा केन्द्रित पूर्ण पाँच तहको एआई स्ट्याकमा विस्तार गर्न डेटा सेन्टरहरू र हरित ऊर्जामा हाम्रो जग निर्माण गर्दैछौं। एआई युगमा भारत केवल उपभोक्ता हुने छैन” गौतमले भने।

यो अदानीले २ गिगावाट डाटा सेन्टर नेटवर्कमा निर्माण हुन्छ। जसको लक्ष्य ५ गिगावाट पुग्ने हो। अदानीले विशाखापट्टनममा ठूलो एआई डाटा सेन्टर क्याम्पस निर्माण गर्न गुगलसँग काम गरिरहेको छ। उनीहरूको हैदराबाद र पुणेमा माइक्रोसफ्टसँग पनि साझेदारी छ।

समूहले उनीहरूको ई–कमर्स र एआई आवश्यकताहरूलाई समर्थन गर्न फ्लिपकार्टसँगको डाटा सेन्टर सहकार्यलाई पनि विस्तार गर्नेछ।

भारतले आजदेखि राजधानी नयाँ दिल्लीमा विश्वस्तरीय कृत्रिम बुद्धिमत्ता सम्मेलनको आयोजना सुरु गरेको छ।

ग्लोबल साउथमा आयोजना गरिएको सम्मेलन अहिलेसम्मकै सबैभन्दा ठूलो कृत्रिम बुद्धिमत्ता सम्बन्धी बहुपक्षीय जमघट भएको जनाइएको छ।

सम्मेलनमा ओपनएआई, गुगल, माइक्रोसफ्ट, अमेजन, मेटा, आइबीएम र एनभिडिया जस्ता आईटी कम्पनीका प्रमुख कार्यकारी अधिकृत (सीईओ) र संस्थापकको सहभागिता रहेको समाचार संस्था रोयटर्सले जनाएको छ।