चीन प्रतिद्वन्द्वी नभई अमेरिकाको साझेदार बन्न चाहन्छन्ः सी चिनफिङ

एजेन्सी। बिहीबार साँझ चीनको बेइजिङमा अमेरिकी राष्ट्रपति डोनाल्ड ट्रम्पको स्वागतमा आयोजित भोजमा चिनियाँ राष्ट्रपति सी चिनफि अमेरिकालाई प्रतिद्वन्द्वी नभई साझेदार बन्न आह्वान गरेका छन्।

सी चिनफिङले ट्रम्पको सम्मानमा आयोजित राजकीय भोजमा चीनको महान् कायाकल्प र मेक अमेरिका ग्रेट अगेन सँगसँगै अघि बढ्न सक्ने पनि बताए।

‘चीन र अमेरिका दुवै देशका जनता महान् छन्। चिनियाँ राष्ट्रको महान कायाकल्प र मेक अमेरिका ग्रेट अगेन सँगसँगै अघि बढ्न सक्छन्,’ उनले भने।

हामीले हाम्रो सम्बन्धलाई सफल बनाउनुपर्छ, र कहिल्यै पनि बिगार्न हुँदैन। चीन र संयुक्त राज्य अमेरिका दुवैले सहयोगबाट लाभ उठाउने र टकरावबाट हार्ने पक्षमा छन्। हाम्रा दुई देशहरू प्रतिद्वन्द्वी होइनन्, साझेदार हुनुपर्छ। चीन–अमेरिका सम्बन्धको स्थिर, सुदृढ र दिगो विकासलाई प्रवद्र्धन गर्न र विश्वमा थप शान्ति, समृद्धि र प्रगति ल्याउन रणनीतिक स्थिरताको रचनात्मक चीन–अमेरिका सम्बन्ध निर्माण गर्न सहमत भएका छौं,’ सीले भने।

ट्रम्प बुधबारदेखि शुक्रबारसम्म चीनको राजकीय भ्रमणमा छन्। राष्ट्रपति सीले नोभेम्बर २०१७ मा बेइजिङमा ट्रम्पलाई आयोजना गरेपछि यो लगभग नौ वर्षमा पहिलो अमेरिकी राष्ट्रपतिको चीन भ्रमण हो। सीसीटीभीप्लस