तीन महिनापछि पहिलो पटक तेलको भाउ ब्यारेलको ८० डलर तल

लन्डन,एएफपी। अमेरिका र इरानबीच भएको शान्ति सम्झौतापछि स्टे«ट अफ हर्मुज पुनःसञ्चालनमा आउने अपेक्षाले अन्तरराष्ट्रिय बजारमा तेलको मूल्य तीन महिनायताकै न्यून स्तरमा झरेको छ।

अन्तरर्राष्ट्रिय ब्रेन्ट क्रुडमा कच्चा तेलको मूल्य चार प्रतिशतले घटेर प्रतिव्यारेल ७८ दशमलव २७ डलर कायम भएको छ। तीन महिनायता ब्रेन्ट तेलको मूल्य पहिलो पटक ८० डलरभन्दा तल झरेको हो।

यस्तै, अमेरिकी सूचक वेस्ट टेक्सास इन्टरमिडिएट कच्चा तेलको मूल्य चार दशमलव पाँच प्रतिशतले घटेर प्रतिव्यारेल ७६ दशमलव ०८ डलरमा कायम भएको छ।

अमेरिकी राष्ट्रपति डोनाल्ड ट्रम्पले स्विट्जरल्यान्डमा शुक्रबार अमेरिका र इरानबीच शान्ति सम्झौतामा हस्ताक्षर भएपछि स्टे«ट अफ हर्मुज पूर्ण रूपमा खुल्ने बताएका छन्।

फेब्रुअरीको अन्त्यतिर सुरु भएको अमेरिकी तथा इजरायली आक्रमणको प्रतिक्रियास्वरूप इरानले उक्त महत्वपूर्ण जलमार्गमा ट्यांकर आवतजावत प्रभावकारी रूपमा अवरुद्ध गरेको थियो्। यसले विश्व बजारमा तेल तथा ग्यास आपूर्तिमा दबाब सिर्जना गर्दै कच्चा तेलको मूल्य उच्चस्तरमा पुगेको थियो।

इरानी सञ्चारमाध्यमले पनि केही तेल ट्याङ्र तथा कार्गो जहाज उक्त मार्गबाट आवतजावत गरिसकेको जनाएका छन्।

ब्रोकर कम्पनी ट्रेड नेसनका वरिष्ठ बजार विश्लेषक डेभिड मोरिसनका अनुसार स्टे«ट अफ हर्मुज पुनःसञ्चालनमा आउनु कुनै पनि शान्ति सम्झौताबाट प्राप्त हुने सबैभन्दा तत्काल र सकारात्मक परिणाममध्ये एक हो। उनले भने “इरानले स्टे«ट अफ हर्मुज प्रयोग गर्ने जहाजमा कर लगाउने चेतावनी दिए पनि तेल बजारका सहभागीले आपूर्ति अवस्था क्रमशः सहज बन्दै गएको संकेत देखिरहेका छन्।”

विश्वको महत्वपूर्ण ऊर्जा आपूर्ति मार्ग मानिने स्टे«ट अफ हर्मुज पुनःखुल्ने सम्भावनाले बजारमा आपूर्ति अवरोधको चिन्ता कम भएको र त्यसकै प्रभावस्वरूप तेलको मूल्यमा गिरावट आएको विश्लेषकको भनाइ छ।

अमेरिका र इरानबीच भएको शान्ति समझदारी तथा स्टे«ट अफ हर्मुजबाट तेल ढुवानी पुनःसञ्चालन हुने अपेक्षाले युरोपेली शेयर बजारमा वृद्धि भएको छ।

मंगलबार लन्डन, पेरिस र फ्रान्कफर्टका प्रमुख शेयर सूचकांक मध्यान्हसम्म करिब शून्य दशमलव पाँच प्रतिशतले बढेका थिए। विश्लेषकले अमेरिका–इरान तनाव कम हुने ससंकेत लगानीकर्ताको विश्वास बढाएको बताएका छन्।

अमेरिकी ऊर्जा विभागका अनुसार रणनीतिक तेल भण्डार गत साता सन् १९८३ यताकै न्यूनस्तरमा पुगेको छ। जसले आगामी दिनमा तेलको माग कायम रहने संकेत गरेको छ।

यस साता प्रमुख केन्द्रीय बैंंकहरुको मौद्रिक नीतिगत निर्णयमा पनि लगानीकर्ताको ध्यान केन्द्रित छ। अमेरिकी फेडरल रिजर्भ र बेलायतको बैंक अफ इङ्गल्याण्डले ब्याजदर यथावत् राख्ने अपेक्षा गरिएको छ।
उता, जापानको केन्द्रीय बैंकले ब्याजदर सन् १९९५ पछिकै उच्चस्तरमा पुर्याएको छ।
एसियाली बजारमा दक्षिण कोरियाको सियोल सेयर बजार करिब दुई प्रतिशतले बढेको छ।