‘एमाले-माओवादी गठबन्धन तोड्नु पार्टीको ठूलो उपलब्धि’

काठमाडौँ- सत्तारुढ दल नेपाली कांग्रेसले एमाले–माओवादी गठबन्धन तोड्नुलाई ठूलो उपलब्धिका रूपमा लिएको छ। रक्षामन्त्रीसमेत रहेका पार्टीका उपसभाति पूर्णबहादुर खड्काले एमाले-माओवादी-रास्वपा-राप्रपालगायतका दलको गठबन्धन तोडेर सत्तारोहण गर्नु ठूलो उपलब्ध भएको जिकिर गरेका हुन्।

मंगलबार सुरु केन्द्रीय कार्यसमिति बैठकमा उपसभापति पूर्णबहादुर खड्काले अघिल्लो गठबन्धन भत्काएर फेरि सत्तारोहण गर्नु चुनौतीपूर्ण भए पनि सहज अवतरण गराएको भन्दै पार्टी नेतृत्वको प्रशंशा गरेका थिए।

‘जसरी संविधान जारी गरेको जस लिएको कांग्रेस विविध कारणले सडकमा पुग्नुपरेको थियो, त्यसैगरी पुस १० गते अर्को दुर्घटना भयो र, कांग्रेस संघ, प्रदेश सबै ठाउँमा सत्ता बाहिर रह्यो,’ उनल भने, ‘राष्ट्रपति पद त्याग गरेर भएपनि गठबन्धन परिर्वतन गर्नुपर्छ भन्ने तहमा छलफल भएको थियो। तर राष्ट्रपति पनि हाम्रै पक्षमा ल्याउन सफल भयौँ।’

उनले सरकारका कमजोरी भए सुझाव दिन आग्रह गरे। उनले नेताहरूका गतिविधि, बोलीका कारण गठबन्धन भत्किने बिग्रिने तहमा पुग्ने दिन नहुने धारणा राखेका थिए।