नेविसंघमा किचलो, असन्तुष्टले भेटे देउवा

काठमाडौं- नेपाल विद्यार्थी संघको असन्तुष्ट समूहले कांग्रेस सभापति शेरबहादुर देउवालाई भेटेको छ। म‌ंगलबार सभापति देउवाले ७१० जनालाई नेवि संघको केन्द्रीय मनोनित गरेका थिए। तर देउवाको मनोनयनप्रति असन्तुष्टि समेत बढ्दै गएको छ। देउवाको मनोनयनलाई लिएर नेता कृष्णप्रसाद सिटौला निकटका विद्यार्थी नेताहरु असन्तुष्ट छन्। असन्तुष्ट समूहले सभापति देउवालाई धुम्बाराही पुगेर ध्यानाकर्षण पत्र बुझाएका छन्।

‘समावेशीकरण लोकतान्त्रिक शासनको अवधारणा हो। राज्यको मूलधारमा आउन नसकेका वर्ग र समुदायलाई समेट्न गरिने प्रयास समावेशीकरण हो। नेविसंघले सदैव समावेशीकरणलाई मध्यनजर गर्दै अघि बढ्नु पर्छ,’ ध्यानाकर्षण पत्रमा उल्लेख छ, ‘नेविसंघको विधान, २०२७ (सातौं संशोधन २०७५) भाग-१ धारा ३ : उद्देश्य जसमा समावेशी सिद्धान्तको कार्यन्वयन गरी आमविद्यार्थीको प्रतिभा, विकास र अवसरको थलो बनाउने भनिएको छ। समावेशी सिद्धान्तको कार्यन्वयन गर्ने कुरालाई लेखिएको छ। तर नेतृत्वले विधानविपरीत ७११ जनाको कमिटी बनाउँदै गर्दा लोकतान्त्रिक पद्धतिमा विश्वास गर्ने र विचार मान्ने विद्यार्थीको समावेशीकरणलाई लत्ताएर संगठन बनाउनु आफैँमा लज्जास्पद विषय हो।’

असन्तुष्ट समूहले महिला, मधेसी, आदिवासी-जनजाति, दलित, अपांग, अल्पसंख्यक तथा पिछडिएका वर्गका लागि समावेशी सिद्धान्तको परिपालना नेविसंघले गर्नुपर्ने बताएका छन्। पनि भनेका छन्।

त्रिभुवन विश्वविद्यालय स्ववियु कोषाध्यक्ष पदमा भुसालले लोकतान्त्रिक विचार मान्ने संगठनका विद्यार्थी नेता भएर पनि लोकतान्त्रिक नियम नमान्नु दु:खद भएको र पार्टीको निर्णय अन्यायपूर्ण रहेको बताइन्। मनोनयनमा असन्तुष्टहरुले समानान्तर कार्य समितिको चेतावनी समेत दिएका छन्।