‘टाइगर ३’को प्रोमोमा सलमान, कटरिना र इमरानको खतरनाक एक्सन [भिडियो]

काठमाडौं- अविश्वसनियरुपमा सफल टिजर, ट्रेलर र पहिलो गीत ‘लेके प्रभुका नाम पछि’ वाईआरएफले शुक्रबार ‘टाइगर ३’को ५० सेकेन्ड लामो प्रोमो सार्वजनिक गरेको छ।

प्रोमो एक्सन सिनले भरिएको छ। प्रोममा सलमान खान उर्फ टाइगरलाई वान मेन आर्मीकारुपमा प्रस्तुत गरिएको छ। जसले खलनायक विरुद्ध भारतको रक्षा गर्छ। खलनायक भने कुनै पनि हालतमा भारतलाई नष्ट गर्न चाहान्छ।

‘टाइगर ३’ स्पाई यूनिभर्सको एक्सन फिल्म हो। यो यूनिभर्स अन्तर्गतका सबै फिल्म ब्लकबस्टर छन्। ‘टाइगर ३’ यो इन्टरकनेक्टेड यूनिभर्सको पाँचौ फिल्म हो। यसअघि ‘एक था टाइगर’, ‘टाइगर जिन्दा हे’, ‘वार’ र ‘पठान’ रिलिज भइसकेका छन्।

यी सबै फिल्मका घटनाको अनुसरण ‘टाइगर ३’ले गर्नेछ। शुक्रबार रिलिज भएको एक्सन प्रोमोमा सलमान खान मास्टर माइन्ड र सुपर एजेन्टकारुपमा प्रस्तुत गरिएको छ।

उनलाई खलनायक इमरान हासमीले धम्की दिएको दृश्य प्रोमोमा देखाइएको छ। हासमीले निर्ममतापूर्वक भारतलाई नष्ट गर्ने धम्की प्रोमोमा देखाइएको छ।

‘टाइगर ३’मा भारतीय सिनेमाका दुई ठूला मेगास्टार सलमान खान र कटरिना कैफले आफ्नो प्रतिष्ठित भूमिका फेरी एकपटक दोहोर्‍याउनेछन्। आदित्य चोपडाले निर्माण गरेको फिल्मलाई मनिष शर्माले निर्देशन गरेका छन्। यो फिल्म नोभेम्बर १३ मा हिन्दी, तामिल र तेलुगु भाषामा विश्वभर रिलिज हुनेछ।