सलमानको ‘टाइगर ३’को एक्सन सिक्वेन्समा विश्वका स्पेशल फोर्सले प्रयोग गर्ने खतरनाक हतियारको प्रयोग

काठमाडौं- सलमान खान भारतका सर्वकालिन सबैभन्दा ठूला एक्सन सुपरस्टार हुन्। उनी वाईआरएफको स्पाई यूनिभर्सको नयाँ फिल्म ‘टाइगर ३’मा सुपर एजेन्ट टाइगरको भूमिकामा देखिँदैछन्। निर्देशक मनीष शर्माका अनुसार फिल्मका एक्सन सिक्वेन्समा विश्वभरका विशेष सेनाले प्रयोग गर्ने खतरनाक हतियार प्रयोग गरिएका छन्।

फिल्मका एक्सन सिक्वेन्स निकै शानदार रहेको उनको दाबी छ। ‘यो फिल्म बनाइरहँदा दिगमा एकै चिज थियो-स्केल। हामीले एउटा एक्सन सिक्वेन्सका लागि धेरै ट्यांक, चपर गन, व्यालिस्टिक मिसाइल, लाखौं गोलीको प्रयोग गरेका छन्। एक्सनलाई अझ शानदार बनाउन विश्वभरका सेनाले प्रयोग गर्ने हतियारको प्रयोग गरेका छौं,’ शर्माले भनेका छन्, ‘फिल्मको एक्सन शानदाररुपमा वास्तविक बनाउने प्रयास गरिएको छ। हामी यस्तो एक्सन सिक्वेन्स बनाउन चाहान्थ्यौं कि जसबारे मानिसहरुले कुरा गरिरहुन्। जब तपाईले टाइगरका मुकाबला को सँग भइरहेको छ? त्यो बेला एक्सनलाई लिएर हाम्रो महत्वकांक्षा कति उच्च थियो। यी एक्सन सिक्वेन्सले दर्शकलाई सिटमा बाँधेर राख्नेछ।’

आदित्य चोपडाले निर्माण गरेको ‘टाइगर ३’ आइतबारबाट हिन्दी, तामिल र तेलुगी भाषामा रिलिज हुनेछ। वाईआरएफको स्पाई यूनिभर्सको यो पाँचौ फिल्म हो। यसअघि ‘एक था टाइगर’, ‘टाइगर जिन्दा हे’, ‘वार’ र ‘पठान’ आइसकेका छन्। यी सबै फिल्म ब्लकबस्टर सावित बनेका थिए। ‘टाइगर ३’मा सलमानका साथै कटरिना कैफ र इमरान हासमीको भूमिका छ। यस्तै फिल्ममा शाहरुख खानले पठानको भूमिकामा र ऋतिक रोशनले  मेजर कविरको भूमिकामा कमियो भूमिका निभाउनेछन्।