ऋतिकको फिल्म ‘फाइटर’को टिजर रिलिज, यस्ता छन् ५ हाइलाइट्स

काठमाडौं- सिद्धार्थ आनन्दको निर्देशनमा बनेको फिल्म ‘फाइटर’को टिजर रिलिज भएको छ। ऋतिक रोशन, दीपिका पादुकोण र अनिल कपूर स्टारर फिल्मको १ मिनेट १३ सकेन्ड लामो टिजर रिलिज भएको हो। फिल्मको टिजरले दर्शकको उत्साह बढाइदिएको छ। टिजरमा निकै रोमाञ्चक एक्सन र रोमान्टिक दृश्य दखाइएको छ।

यस्ता छन्, ‘फाइटर’ टिजरका ५ हाइलाइट्स 

१. एरियल एक्सन सिक्वेन्स 

टिजसको मुख्य आकर्षण हार्डकोर र हिन्दी फिल्ममा कहिलै नदेखाइएको एक्सन हो। टिजरमा हिमाल माथि  बादलकोबीचमा फाइटर विमानका उडान देखाइएको छ। एरियल एक्सन सिक्वेन्स शानदार देखिन्छ। बलिउडमा नयाँ शैली देखाउने प्रयास गरिएको छ।

२‍. ऋतिक र दीपिकाको लुक

फिल्ममा ऋतिक र दीपिका स्क्वाड्रोन पाइलटको भूमिकामा छन्। अनिल कपूर कमान्डिङ अफिसरको भूमिकामा देखिनेछन्। ऋतिक र दीपिकाको लुक जबरजस्त देखिन्छ। ऋतिक रमशेर पठानीयाको भूमिकामा देखिनेछन् भने दीपिका मिनल राठौरको भूमिकामा देखिनेछिन्। अनिल कपूरले भने ग्रुप क्याप्टेन जय सिंहको भूमिका निभाउनेछन्।

३. भिजुअल इफिक्टस् 

फिल्मको टिजरमा एउटा पनि संवाद छैन। शानदार भिजुअल इफेक्स देखाइएको छ। खासगरी आकाशमा हेलिकोप्टरमा रहेका ऋतिकले भारतीय झण्डा उठाएको दृश्य शानदार छ।

४. ब्यागग्राउन्ड म्यूजिक 

फिल्ममा ब्यागग्राउन्ड म्यूजिक निकै शानदार सुनिन्छ। पृष्ठभूमिमा भारतीय राष्ट्रगान समेत हालिएको छ।

५. ऋतिक र दीपिकाको जोडी 

ऋतिक र दीपिकाको जोडी फिल्मको मुख्य आकर्षण हो। यो जोडीलाई लिएर सामाजिक सञ्जालमा पहिले देखि नै खुब चर्चा हुँदै आएको छ। फिल्मलाई ममता आनन्द, रेमन चिब, अंकु पाण्डे, केभिन भाज र अजित अन्धारेले निर्माण गरेका हुन्। फिल्म जनवरी २५ मा रिलिज हुनेछ।