१२ वर्षपछि बलिउडमा कमब्याक गर्दै करिस्मा

९० को दशककी हिट अभिनेत्री करिश्मा कपूरले १२ वर्षपछि ‘मर्डर मुबारक’ फिल्म मार्फत कमब्याक गर्दैछिन्। यो फिल्म सन् २०२४ मा ओटीटी प्लेटफर्ममा रिलिज हुनेछ। करिश्माले भने बलिउडमा आफ्नो ‘कमब्याक’ हुन लागेर भनिएको प्रचार माथि असन्तुष्टी जनाएकी छन्। कमब्याक शब्दप्रति उनले आपत्ति जनाएकी हुन्।

‘मर्डर मुबारक’लाई होमी अदजानियाले निर्देशन गर्न लागेका हुन्। यो फिल्ममा सारा अली खानको समेत अभिनय रहनेछ। ‘मर्डर मुबारक’ भन्दा पहिला करिश्माले सन्  २०१२ मा आएको फिल्म ‘डेन्जरस इश्क’मा अभिनय गरेकी थिइन्। यो फिल्ममा करिश्मासँगै जिमी शेरगिल, दिव्या दत्त र रजनीश दुग्गलले अभिनय गरेका थिए।

करिश्माले लामो समयसम्म फिल्मी दुनियाबाट ब्रेक लिनुको कारणबारे भनेकी छन्, ‘फिल्म क्षेत्रबाट बाहिर रहनु मेरो रोजाइ होइन। मेरा साना बच्चा थिए। म घरमै रहन चाहन्थे। मैले लामो समय धेरै फिल्ममा काम गरे। मैले धेरै वर्षसम्म चार सिफ्टसम्म काम गरेँ। हरेक वर्ष मेरा ८/१० फिल्म रिलिज हुन्थे। ती मध्ये अधिकांश हिट भए।’

फिल्मसँगै उनी इन्डियन आइडल, डान्स इन्डिया लगायतका केही रियालिटी शो मा जज बनिन्। उनले २०२० को वेव सिरिज मेन्टलहुडमा समेत अभिनय गरेकी थिइन्। एजेन्सी