बेलायती सेनाप्रमुखले परराष्ट्रमन्त्री साउदसँग भने- भूपूगोर्खाका माग सम्बोधन गर्न चाहन्छौँ
नेपाल क्लिक्स
काठमाडौँ- नेपाल भ्रमणमा रहेका बेलायती सेनाप्रमुख जनरल सर पेट्रिक सन्डर्सले परराष्ट्रमन्त्री एनपी साउदसँग भेट गरेका छन्।
सोमबार मन्त्रालयमा भएको भेटमा दुई शताब्दीभन्दा लामो नेपाल-बेलायत सम्बन्धबारे कुराकानी भएको मन्त्रीको सचिवालयले जानकारी दिएको छ।
गोर्खा (नेपाली नागरिक)हरूले बेलायती सेनामा पुर्याएको उच्च योगदानको चर्चा गर्दै मन्त्रीले सन् १९९७ भन्दा अगाडि रिटायर भएका गोर्खा सैनिकले उठाएका समान पेन्सनलगायत विषयलाई सम्बोधन गर्नपर्ने आवश्यकता औँल्याएका थिए।
भूतपूर्व गोर्खाका मागलाई सम्बोधन गर्दा बेलायतलाई आर्थिक भार नपर्ने तर यसबाट गौर्खाहरूलाई न्याय मिल्ने भएकाले शीघ्र सम्बोधन गरिदिन सेनाप्रमुख सन्डर्ससँग अनुरोध गरे।
सेनाप्रमुखले बेलायतले पनि गोर्खाका विषयमा समाधान चाहेको बताएका थिए। साथै गोर्खाका मागलाई बेलायतले गम्भीरताका साथ लिएको बताएका थिए।
नेपालको मुख्य विकास साझेदारको रूपमा बेलायतले पुर्याएको सहयोगका लागि मन्त्री साउदले धन्यवाद दिएका थिए।
बेलायतले नेपाललाई निरन्तर सहयोग गर्ने बेलायती पक्षले बताएको छ।
नेपालले राष्ट्रसंघीय शान्ति मिसनमा पुर्याएको योगदानको बेलायती सेनाप्रमुखले उच्च प्रशंसा गरेका थिए।
अनलाइन अपोइन्टमेन्ट लिएपनि राहदानी विभागमा घण्टौँ लाइन बस्नुपर्ने बाध्यता
सम्भावनाको दोबाटोमा भैरहवाः पुरानो गल्ला व्यापारदेखि औद्योगिकीकरणको मार्गमा
कोशी प्रदेशका विभिन्न जिल्लामा दुई दिन विद्युत आपूर्ति बन्द हुने
कर्णाली करिडोर चार लेन बनाउने: ३७ अर्ब लाग्ने, पाँच वर्षमा काम सक्ने
पत्रकारहरूमाथि प्रहरीको धरकपड
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
