डोनाल्ड ट्रम्पले इजरायली प्रधानमन्त्री नेतान्याहुलाई दिए भ्रमणको निम्तो

एजेन्सी – अमेरिकी राष्ट्रपति डोनाल्ड ट्रम्पले इजरायलका प्रधानमन्त्री बेन्जामिन नेतान्याहुलाई अमेरिका भ्रमणको निम्तो दिएका छन्। डोनाल्ड ट्रम्पले फेब्रुअरी ४ मा नेतन्याहूलाई ह्वाइटमा होस्ट गर्नेछन्। ह्वाइट र नेतन्याहुले मंगलबार यो जानकारी दिए।

ट्रम्पको दोस्रो कार्यकालमा कुनै विदेशी राजनीतिज्ञको यो पहिलो औपचारिक भ्रमण हुनेछ।

अघिल्लो वर्ष ट्रम्प र नेतान्याहुले चार वर्षपछि भेट गरेका थिए।

सीएनएनको रिपोर्टअनुसार अमेरिकाले इजरायल र हमासलाई युद्धविराम जारी राख्न लगातार दबाब दिइरहेको थियो। यस हिसाबले ट्रम्प र नेतान्याहुबीचको भेट निकै विशेष मानिएको छ। इजरायल र हमासबीच १५ महिनाको युद्धपछि जनवरी १९ मा युद्धविराम भएको थियो।

यस अवधिमा बन्धकहरू आदानप्रदान भइरहेका छन्। अर्को चरणको युद्धविरामबारे फेब्रुअरी ३ गतेदेखि छलफल हुनेछ।

अर्कोतर्फ नेतन्याहुले अमेरिकी राष्ट्रपतिसँग हतियार आपूर्तिको विषयमा पनि कुरा गर्न सक्नेछन्। आफ्नो कार्यकालमा बाइडेनले इजरायललाई दबाब दिन भारी बमको आपूर्ति रोकेका थिए।

यसै महिना सपथ लिनुअघि ट्रम्पले मध्यपूर्वका लागि आफ्ना विशेष प्रतिनिधि स्टिभ विटकफलाई उक्त क्षेत्रमा पठाएका थिए।