दिल्ली विधानसभाः ७० सिटका लागि एकै चरणमा मतदान हुँदै
नेपाल क्लिक्स
एजेन्सी – दिल्ली विधानसभाको ७० सिटका लागि बुधबार एकै चरणमा मतदान हुँदैछ । लोकसभा चुनावमा इन्डिया गठबन्धनको हिस्सा रहेका पाँच दलहरू यसपटक भने एकअर्का विरुद्ध चुनाव लडिरहेका छन्। यसमध्ये, आम आदमी पार्टी र कांग्रेस सबै ७० सिटमा आमनेसामने छन्।
भारतीय कम्युनिस्ट पार्टी (सीपीआई) ले ६ सिटमा आफ्ना उम्मेदवारहरू खडा गरेको छ भने भारतीय कम्युनिस्ट पार्टी मार्क्सवादी (सीपीएम) र भारतीय कम्युनिस्ट पार्टी मार्क्सवादी लेनिनवादी (सीपीआई एमएल) ले २-२ सिटमा आफ्ना उम्मेदवारहरू खडा गरेका छन् ।
भाजपाले ६८ सिटमा आफ्ना उम्मेदवारहरु खडा गरेको छ। गठबन्धन दलहरूलाई दुई सिट दिइएको छ । यसमा जनता दल युनाइटेड (जेडीयू) ले बुरारीबाट आफ्नो उम्मेदवार उठाएको छ भने लोक जनशक्ति पार्टी रामविलास (एलजेपी आर) ले देवली सिटबाट आफ्नो उम्मेदवार उठाएको छ।
महाराष्ट्रमा भाजपाको सहयोगी राष्ट्रवादी कांग्रेस पार्टी (एनसीपी) ३० सिटमा चुनाव लडिरहेको छ। शिवसेना प्रमुख तथा महाराष्ट्रका उपमुख्यमन्त्री एकनाथ शिन्देले सबै सिटमा भाजपालाई समर्थन गरेका छन्।
यसबाहेक बहुजन समाज पार्टी (बसपा) ले ७० सिटमा र असदुद्दीन ओवैसीको अल इन्डिया मजलिस ए इत्तेहादुल मुस्लिमिन (एआईएमआईएम) ले १२ सिटमा चुनाव लडिरहेको छ।
चुनावको नतिजा फेब्रुअरी ८ मा घोषणा हुनेछ।
स्पेनमा रेल दुर्घटनाः ६८ जनाको मृत्यु, तीन दिन राष्ट्रिय शोक घोषणा
चालु आर्थिक वर्षभित्रै एनआरएनए नागरिकता सम्बन्धि कानुनी बाधा हट्छ: मन्त्री खनाल
मूल्य वृद्धिले इटालीमा इन्धन संकट, आपूर्ति शृंखला प्रभावित
फ्रान्समा फेरि प्रदर्शनको तयारी, देशभर ७० हजार प्रहरी खटाइँदै
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
