सडकमा सोलीका सोली ऐँसेलु [तस्बिरहरू]
नेपाल क्लिक्स
पोखरा- कास्की जिल्लाको अन्नपूर्ण गाउँपालिकाको पाउँदुर घुम्ती क्षेत्रमा आज भोलि ऐंसेलु बेच्ने स्थानीयहरुको बाक्लै भीड लाग्ने गर्दछ।
पाखा, डाँडा र खर्कहरुमा फल्ने ऐंसेलु अहिले सो क्षेत्रका स्थानीयहरुको आम्दानीको स्रोत बनेको छ। पोखरा बाग्लुङ सडक खण्डमा यात्रा गर्ने प्राय हरेक यात्रुले यहाँको ऐंसेलु किन्ने गर्दछन्।
प्रति सोली (पातबाट बनाइएको सोली) १०० रुपैयाँमा बिक्री हुने ऐंसेलु टिप्न भने एक बिहानै खर्च गर्नु पर्ने स्थानीय ऐंसेलु व्यापारी रशिका बिश्वकर्माले बताइन्। बिहानै अधेरीखोला तिर जानु पर्छ, तिप्नको लागि पनि गाह्रो नै छ, काँडाले घोच्ने उनले बताइन्।
त्यस्तै ऐंसेलु बेचेरै प्रतिदिन २ हजार सम्म कमाई हुने स्थानिय अस्मी विश्वकर्माले बताइन्। तर ऐंसेलु वर्षको चैत्र-वैंशाख-जेठ महिनामा मात्र फल्ने हुँदा अन्य दिन खेतिकिसनी नै गर्ने गरेको उनले सुनाइन्।
गाउँमा धेरै मात्रामा ऐंसेलु फल्ने भएपनि त्यसको सही उपयोग हुन नसकेको स्थानीयले बताए। पूर्वका केही जिल्लामा वाइन बनाउन र जुस बनाउनको लागि ऐंसेलुको उपयोग गरी राम्रो आम्दानी गरेको भए पनि हाम्रोमा त्यसो हुन नसकेको स्थानीयले गुनासो गरेको छ।
ऐंसेलु नेपालको पहाडी भेग लगायत अन्यत्र पनि पाइन्छ। जस्तो, भारत, पाकिस्तान, चीन। यसलाई ‘गोल्डेन हिमालयन रासबेरी’ भनेर चिनिन्छ। कतिपय भेगमा चाहि यसलाई ‘रासबेरी’ नामले पनि चिनिन्छ।
ऐंसेलु स्वादिलो र रसिलो फल मात्र होइन। यसमा भिटामिन-सि, फिनोल, फ्लेवोनोइड जस्ता सुक्ष्म पोषक तत्व हुन्छ। ऐसेलुको जरामा औषधिय गुण हुन्छ। ज्वरो आउँदा, झाडापखाला लाग्दा, ग्याष्ट्रिक हुँदा ऐंसेलुको जरा सेवन गर्नु फाइदाजक हुन्छ।
तस्बिरहरू:
कहीँ नभएको जात्रा हाँडीगाउँमा !
काठमाडौं उपत्यकामा खुम्चिँदैछ खेतीयोग्य जमिन (तस्विरहरू)
सुनसान बन्यो काठमाडौँ उपत्यका: सडक खाली, पसल बन्द (तस्बिरहरू)
बाजुराका विभिन्न खेतमा पहेँलपुर भएर पाकेको धानबाली (तस्बिर)
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
