ग्लोबल आइएमई बैंकको कार्डबाट दराजमा रु १ खर्च गरे ग्यालेक्सी एम-४ जित्ने मौका

काठमाडौँ- ग्लोबल आइएमई बैंकका डेबिट/क्रेडिटबाट दराजमा सामग्री खरिद गर्दा कम्तीमा एक रुपैयाँ खर्च गरे सामसुङ ग्यालेक्सी एम ४ मोबाइल फोन जित्ने योजना सार्वजनिक गरेको छ। बैंकले दराज नेपालसँग सहकार्य गरी सार्वजनिक गरेको यो योजना २०७९ चैत्र ५ देखि ११ गते (मार्च १९ देखि २५) सम्म ७ दिनका लागि मान्य रहनेछ।

यस योजनाको अन्त्यमा, बैंकको डेबिट/क्रेडिट कार्डबाट दराजमा अनलाइनमार्फत १ रुपैयाँ भुक्तानी गर्ने र मोबाइल फोन खरिद गर्न चाहने कुल सहभागीहरूमध्ये १ जना भाग्यशाली विजेता छनोट गरिनेछ। छनोट भएका एक जनाले १ रुपैयाँमै सामसुङ ग्यालेक्सी एम ४ मोबाइल फोन पाउनेछन्।

बैंकको यो योजनाको मुख्य उद्देश्य अनलाइन कार्ड भुक्तानी (इ–कमर्स)लाई प्रवर्द्धन गर्नु हो। बैंकले आफ्ना ग्राहकको सुविधालाई मध्यनजर गरी समय–समयमा यस्ता योजनाहरु ल्याएर ग्राहकहरुलाई प्रत्यक्षरुपमा लावान्भित गर्दै आएको छ।

७७ वटै जिल्लामा शाखा सञ्जाल रहेको बैंकले ३६४ शाखा कार्यालय, ३६३ एटिएम, ३२१ शाखा रहित बैंकिङ्ग सेवा, ६४ एक्सटेन्सन तथा राजश्व संकलन काउन्टर तथा ३ वटा बैदेशिक प्रतिनिधि कार्यालयसमेत सेवा प्रदान गर्दै आएको छ।