पोखरा विमानस्थलका आयोजना प्रमुखविरूद्ध साढे २ करोडको भ्रष्टाचार मुद्दा

तर सोही अवधिमा जग्गा खरिद, घर निर्माण, सवारी साधन, शेयर, सुनचाँदी, बीमा प्रिमियम, अध्ययन शुल्क, ऋण भुक्तानी, व्यवसाय लगानी, बैंक तथा सहकारी खातामा मौज्दात, नगद, मुद्दती खाता तथा विदेशी मुद्राको रूपान्तरणसमेत गरी कुल खर्च ६ करोड २४ लाख १५ हजार ९६१ रुपैयाँ ३९ पैसा पुगेको अख्तियारको दाबी छ।

आयभन्दा खर्च २ करोड ५० लाख ३४ हजार ५१७ रुपैयाँ १९ पैसा बढी देखिएपछि उक्त रकमको स्रोत पुष्टि हुन नसकेको भन्दै अख्तियारले सो बराबरको गैरकानुनी सम्पत्ति आर्जन भएको निष्कर्षसहित मुद्दा दायर गरेको हो।

वैधानिक आयको तुलनामा अस्वाभाविक उच्च जीवनस्तर यापन गरेको र श्रीमतीको नाममा समेत सम्पत्ति खरिद गरेको अख्तियारको ठहर छ।