पल शाह र अनिता गिरी अभिनित ‘मर्छु हजुर’ रिलिज (भिडिओ)

काठमाडौँ: अभिनेता पल शाह र अनिता गिरी अभिनित ‘मर्छु हजुर’ गीतको भिडिओ रिलिज भएको छ। बुधबार सुनिल दवाडी नामक युटुब च्यानलबाट रिलिज भएको हो। गीतको भिडिओलाई दर्शकले एकदमै रुचाएका छन्।

सुनील दवाडी प्रस्तुतकर्ता रहेको यस गीतको भिडिओमा अभिनेता पल शाह र अनिता गिरीको जोडीलाई देख्न सकिन्छ। एकअर्काबीचको मायामा गढिएका युवायुवतीको कथामा गीतको भिडिओ निर्माण गरिएको छ। गीतको भिडिओलाई चर्चित कोरियोग्राफर तथा निर्देशक बिक्रम चौहानले गरेका हुन्।

गायक धुब्र बिक र गायिका मनिषा सुनारले गाएको यस गीतमा शब्द संगीत ज्ञानेन्द्र गिरीको छ। गीतको एरेन्ज,मिक्सिङ र मास्टरिङ सुलभ घिमिरेले गरेका छन्। यसअघि अनिता गिरीले एक दर्जन भन्दा बढि म्युजिक भिडिओमा अभिनय गरिसकेकी छन्। उनको पहिलो म्युजिक भिडिओ भने ‘बैगुनीले गएको थियो छोडेर’रहेको छ। उनी म्युजिक भिडिओमा मात्र सिमित रहेकी छैनन्।

यस अन्तरालमा आधा दर्जन भन्दा बढि नेपाली फिल्ममा अभियन गरिसकेकी छिन्। फिल्म ‘नम्बरी सुन’,‘दान्भी’,‘रावायण’,‘आउट ल’लगायतमा उनको अभिनय रहेको छ। जुन फिल्महरु प्रदर्शनमा आइसकेका छन् भने केहि आउने तयारीमा रहेको गिरीले बताईन्। अनिता पछिल्लो समय व्यस्त मोडल तथा अभिनेत्री समेत हुन्।

Marchhu Hajura – Dhurba BK & Manisha Sunar Ft. Paul Shah & Anita Giri • Official Music Video