पटक–पटक ताकेता गर्दा पनि सरकारी रकम नतिर्ने ५२ जनाको तीन पुस्ते विवरण सार्वजनिक

काठमाडौँ:महालेखा नियन्त्रक कार्यालयअन्तर्गत महालेखा नियन्त्रक कार्यालयअन्तर्गत कुमारीचोक तथा केन्द्रीय तहसिल कार्यालय बबरमहलले सरकारी रकम नतिर्ने ५२ जनाको तीनपुस्ते विवरण सार्वजनिक गरेको छ।

उनीहरूले पटक–पटक सूचना निकाल्दा पनि रकम नतिरेको कार्यालयको भनाइ छ। कार्यालयले आइतबार एक सूचना जारी गर्दै पटक पटक सार्वजनिक सूचना प्रकाशित गरिनुका साथै सरकारी बाँकी हुनेहरूको घर ठेगानामा पत्राचार गरी उपस्थित गराउन पत्राचार गरेको पनि रकम भुक्तानी नभएको बताएको छ।

कार्यालयले उनीहरूको नाम वेबसाइटमा सार्वजनिक गरी रकम बुझाउन आउन आग्रह गरेको थियो। त्यसका बाबजुद पनि सरकारी रकम बाँकी हुनेहरू कार्यालयमा रकम बुझाउने काम नभएको कार्यालयको भनाइ छ। कार्यालयले उनीहरूको तीनपुस्ते विवरण सार्वजनिक गर्दै ३५ दिनभित्र कार्यालयमा आएर ब्याजसहित रकम बुझाउन भनेको छ।

अन्यथा कानुनबमोजिम असुल उपर गरिने चेतावनी कार्यालयले दिएको छ।

यी हुन् सरकारी रकम नतिर्नेहरू