प्रभु लाइफले पारित गर्‍यो १०.३१ प्रतिशत लाभांशको प्रस्ताव

काठमाडौँ- प्रभु लाइफइन्स्योरेन्स लिमिटेडको पाँचौं वार्षिक साधारणसभा सम्पन्न भएको छ। उक्त साधारण सभाले कम्पनी नयाँ सञ्चालक समितिका सदश्यहरुको नियुक्ति गर्ने, लाभांश प्रस्ताव पारित गर्ने र महालक्ष्मी र प्रभु इन्स्योरेन्सबीच हुने मर्जर प्रकृया र नाम सर्वसम्मतले स्वीकृत गरेको छ।

पाँचौंवार्षिक साधारण सभाले समूह“क” संस्थापक समूहका शेयरधनीका तर्फबाट शिक्षा भट्टचन,मिजास भट्टचन,श्याम कृष्ण श्रेष्ठ र सुसन शेरचनलाई सञ्चालक समिति सदस्यमा निर्विरोध निर्वाचित गरेको छ । कम्पनीमा शंकर गौतम र दिपक पाण्डेय सर्वसाधारण शेयरधनीहरुको तर्फबाट चौंथो वार्षिक साधारण सभाबाटै सञ्चालक छन।

साधारण सभाले ९.८० प्रतिशत शेयर लाभांस र ०.५१ प्रतिशत नगद लाभांस (कर प्रयोजनको लागि) गरी जम्मा १०.३१ प्रतिशत लाभांस प्रस्ताव पारित गरेको छ।

साधारण सभाले कम्पनीको सञ्चालक समितिको तर्फबाट अध्यक्ष सुभाष अमात्यले प्रस्तुत गरेको वार्षिक प्रतिवेदन पारित गर्दै लेखापरीक्षकको प्रतिवेदन सहितको आर्थिक वर्ष २०७७/७८को वासलात, नाफानोक्सानहिसाब, नगदप्रवाहविवरण लगायतका वित्तीयविवरणसमेत पारित गरेको छ।

साधारण सभाले प्रभु लाइफइन्स्योरेन्स र महालक्ष्मी लाईफ इन्स्योरेन्स बीच १:१ शेयर अनुपात कायम हुने मर्जर प्रकृयालाई स्वीकृति प्रदान गरेको छ। साथै, मर्जर पछि बन्ने कम्पनीको नाम प्रभु महालक्ष्मीलाइफइन्स्योरेन्स राख्नपनि स्वीकृति दिएको छ।