काठमाडौँ: काठमाडौँ–१ पछि अन्य दुई स्थानमा पनि राष्ट्रिय स्वतन्त्र पार्टी (रास्वपा)ले जित निकालेको छ। काठमाडौँ १ मा रञ्जु दर्शना विजयी भएकोमा काठमाडौँ ६ बाट शिशिर खनाल विजयी भएका छन्। खनाल २७ हजार ९१६ मत ल्याउएर विजयी भएका हुन्।
निकटतम प्रतिद्वन्द्वी नेपाली कांग्रेसका कृष्ण बानियाँ क्षेत्रीले ६ हजार ६६७ मत ल्याएका छन्। त्यस्तै, एमालेका अमनकुमार मास्केले ४ हजार ५१८ मत ल्याउँदा राप्रपाका उद्धवराज भेटुवालले १ हजार ३२१ मत ल्याएका छन्।
यसैगरी काठमाडौँ क्षेत्र नम्बर ८ का रास्वपा उम्मेदवार विराजभक्त श्रेष्ठ पनि विजयी भएका छन्। उनले २४ हजार ५ सय ९२ मत प्राप्त गरेको निर्वाचन आयोगले जनाएको छ।
उनका निकटतम् प्रतिद्वन्द्वी नेकपा उम्मेदवार सुमन सायमीले ३ हजार २ सय १७ मत ल्याए। कांग्रेस उम्मेदवार सपना राजभण्डारी २ हजार ८ सय ३५ मत ल्याएर तेस्रो भइन्। एमाले उम्मेदवार राजेश शाक्य १ हजार ९ सय ९ मत ल्याएर चौथो भएका छन्।
