एनएमबी बैंकमा ब्रिटिस इन्टरनेसनल इन्भेस्टमेन्टका प्रतिनिधिको भ्रमण

सन् २०२३ मार्च १४ मा ब्रिटिस इन्टरनेसनल इन्भेस्टमेन्टका अध्यक्ष सारा च्याम्पियनको नेतृत्वमा बेलायतको तल्लो सदन हाउस अफ कमन्सका प्रतिनिधि र सदस्यहरूको समूहले एनएमबी बैंकको भ्रमण गरेको छ। टोलीले बैंकिङ क्षेत्रमा एनएमबीले पुर्‍याएको योगदानबारे टोलीले जानकारी लिएको हो।

प्रतिनिधि मण्डलसगँ छलफलको क्रममा बैंकका प्रमुख कार्यकारी अधिकृत सुनील केसीले नेपालको दिगो तथा समावेशी आर्थिक विकासबीच रहेको स्रोत साधनको पूर्ति गर्न ब्रिटिस इन्टरनेसनल इन्भेस्टमेन्टलगायतका संस्थाले प्रदान गर्ने अनुदानको महत्व रहेको बताएका थिए।

प्रतिनिधिले बैंकले जलविद्युत परियोजनामार्फत समुदाय विकासमा पुर्‍याएको योगदानको प्रशंसा गरेका थिए। महिला तथा फरक ढंगले सक्षम व्यक्तिहरुको सशक्तिकरणका लागि बैंकले गरेको पहल र कमजोर आर्थिक अवस्था भएका र पिछडिएका समुहहरुको स्तरोन्नतिका लागि बैंकले गरेको योगदानका बारेमा छलफल गर्दै दुवैतर्फका प्रतिनिधिले सो सम्बन्धी प्रतिक्रियासमेत आदानप्रदान गरेका थिए।

चार पटक ‘बैंक अफ द इयर’बाट सम्मानित एनएमबी बैंकले हाल देशभर २०१ शाखा, १३८ एटीएमहरु र १२ एक्सटेन्सन काउन्टरमार्फत सेवा प्रदान गर्दै आइरहेको छ।