लालीबजारले ५ करोड ७६ लाख कमाउँदा मालती मंगले ५१ लाखमा सीमित, अन्यको कमाइ कति?

काठमाडौँ: नेपालभर प्रदर्शनरत स्वदेशी चलचित्रहरूको आधिकारिक बक्स अफिस विवरण सार्वजनिक भएको छ। चलचित्र विकास बोर्डले सार्वजनिक गरेको बक्सअफिस रिपोर्टअनुसार शनिबार राति ११ः५९ सम्ममा ‘लालीबजार’ शीर्ष स्थानमा रहँदै सबैभन्दा धेरै कमाइ गर्ने फिल्म बनेको छ।

लालीबजारले १ लाख ९६ हजार ४०६ टिकट बिक्री गर्दै ५ करोड ७६ लाख ३१ हजार ४७२ रुपैयाँ आम्दानी गरेको देखिएको छ।

दोस्रो स्थानमा रहेको चलचित्र ‘परालको आगो’ले १ लाख ५३ हजार ९२५ टिकट बिक्रीमार्फत ४ करोड २७ लाख ५३ हजार ६४५ रुपैयाँ कमाएको छ।

त्यसैगरी, ‘मालती मंगले’ ले १६ हजार १३७ टिकट बिक्री गर्दै ५१ लाख ६३ हजार ५३२ रुपैयाँ आम्दानी गरेको छ भने ‘गुरु आमा’ ले ९ हजार ३२७ टिकटबाट २९ लाख ४२ हजार ५७६ रुपैयाँ संकलन गरेको तथ्यांकमा उल्लेख छ।

नयाँ प्रदर्शनमा रहेका अन्य चलचित्रमध्ये ‘लाइक ड्यामेज’ ले ९ हजार २४१ टिकटबाट २८ लाख ४६ हजार १७० रुपैयाँ कमाएको छ भने ‘एक मुठ्ठी बादल’ ले १ हजार ५०१ टिकट बिक्री गरी ५ लाख २१ हजार ८२५ रुपैयाँ आम्दानी गरेको छ।