कनेक्ट आईपीएस चलाउन रिफर गर्नेलाई २५ र पाउनेलाई ५० रुपैयाँ बोनस

काठमाडौँ- भुक्तानी सेवा प्रदायक कनेक्ट आईपीएसले ‘रिफर अ फ्रेन्ड २.०’ अफर सार्वजनिक गरेको छ। यो अफरअन्तर्गत कनेक्ट आईपीएसको सेवा चलाउन रिफर गर्ने र त्यस्तो रिफर प्राप्त गर्ने दुवै व्यक्तिले बोनस पाउने छन्। यस्तो अफर असार ५ गतेदेखि असार ३१ गतेसम्म लागू हुने कम्पनीले जानकारी दिएको छ।

‘रिफर प्राप्त गर्ने व्यक्ति (रिफरी)ले आफ्नो बैंक खाता भेरिफाई गराएपछि मात्र प्राप्त गर्नेछन्। आफन्त वा साथीभाइलाई रिफर गर्ने व्यक्तिले रु.२५ र रिफर प्राप्त गर्ने व्यक्ति (रिफरी)ले रु. ५० बोनस पाउने बताइएको छ। यस्तो रकम कनेक्ट आईपीएसमा भएको प्राथमिक खाता (प्राइमरी अकाउन्ट)मा पठाइने कम्पनीले जानकारी दिएको छ।

अफरको फाइदा लिन रिफरर रिफरल कोड अर्को नयाँ व्यक्तिलाई पठाइदिनुपर्ने हुन्छ। रिफर प्राप्त गर्ने व्यक्ति (रिफरी)ले कनेक्ट आईपीएसमा नयाँ यूजर रजिष्टर गर्दा उक्त कोड दाखिला गरी बैंक खाता लिंक गरेर सेल्फ भेरिफाई वा नजिकैको बैंकमा गएर भेरिफाई गर्नुपर्नेछ। रिफररले आफ्नो रिफरल कोडसँगै लिन्क पनि सेयर गर्न सक्नेछन्। रिफर प्राप्त गर्ने व्यक्तिले उक्त लिंक क्लिक गरी कनेक्ट आइपीएस वा मोबाइल एप मार्फत नयाँ यूजर बनाउन सक्नेछन्।

कनेक्ट आईपीएसको वेबमार्फत प्रतिकारोबार रु २० लाखसम्म र यसको मोबाइल एप मार्फत प्रतिकारोबार २ लाखसम्मको भुक्तानी गर्न सकिन्छ। यस मार्फत मोबाइल रिचार्ज, बिजुलीको बिल, टेलिफोनको बिल, इन्टरनेटको बिल, स्कुल फी, हायर पर्चेज, सरकारी राजस्व, लोकसेवा, ट्राफिक फाइन, सेयर कारोबार, नेपाल पे क्युआरलगायतका थुप्रै प्रकारका भुक्तानीहरु गर्न सकिने कम्पनीले जानकारी दिएको छ।

कनेक्ट आईपीएस मार्फत चालु आर्थिक वर्षको जेठ मसान्त सम्म ५२ सदस्य बैंक वित्तीय संस्था मार्फत ३६ खर्ब २६ अर्ब बराबरको कारोबार गरेको छ। कम्पनीले ४ करोड ५० लाखभन्दा बढी कारोबार फर्स्योट गरेको उल्लेख गरेको छ।