सनराइज र लक्ष्मी बैंक मर्ज भएपछि को बन्दैछन् सञ्चालक?
नेपाल क्लिक्स
काठमाडौँ- सनराइज बैंक लिमिटेडको १५औं वार्षिक साधारण सभाले लक्ष्मी बैंकसँग मर्ज प्रस्ताव पारित गरेको छ। उक्त साधरणसभाले १:१ अनुपातमा मर्जर जाने प्रस्ताव स्वीकृत गरेको हो।
मोतिलाल दुगर अध्यक्षतामा बसेको सनराइज बैंकको संचालनक समितिले उक्त प्रस्ताव पारित गरेको हो। यस्तै लक्ष्मी बैंकले पनि विशेष साधारणसभा मार्फत उक्त प्रस्ताव पारित गरिसकेको छ। दुवै बैंकको विशेष साधारणसभाले मर्जरमा जाने सहमति पारित गरेसँगै मर्जर प्रक्रियाले मूर्त रुप लिएको छ।
मर्जरपछि बन्ने बैंकको नाम लक्ष्मी सनराइज बैंक राख्ने सहमति भइसकेको बताइएको छ। यसैगरी सञ्चालक समितिमा लक्ष्मी बैंकका तर्फबाट ४ र सनराइज बैंकको तर्फबाट ३ जना सञ्चालक रहनेछन्।
लक्ष्मी बैंकको तर्फबाट बैंकका वर्तमान अध्यक्ष रमण नेपाल, डा. मनिष थापा, स्वाती रुङ्गटा र विद्या बस्नेत संचालक रहने छन् भने सनराइज बैंकको तर्फबाट बैंकका हालका अध्यक्ष मोतीलाल दुगड, बच्छाराज तातड र मालचन्द दुगड सञ्चालक बन्ने सहमति भएको छ।
मर्जरपछि बन्ने लक्ष्मी सनराइज बैंकको कुल चुक्ता पूँजी २१ अर्ब ६७ करोड रुपैयाँ कायम गरिने भएको छ। यी दुवै बैंकबीच २५ पुषमा मर्जर सम्बन्धी प्रारम्भिक सम्झौता भएको थियो। यी दुवै बैंकको मर्जलाई मध्यनजर गर्दै राष्ट्र बैंकले मर्जसम्बन्धी सुविधा आगामी असार मसान्तसम्म थप गरेको छ।
जहाँ संकट, त्यहाँ अम्बिका
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
