अमेरिकाको डेल्टा विश्वकै सबैभन्दा बढी आम्दानी गर्ने एयरलाइन्स, कमायो ६८ अर्ब डलर बढी

विश्वमा सबैभन्दा बढी कमाउने वायुसेवा कम्पनीहरूमा पहिलो स्थानमा अमेरिकाको डेल्टा एयरलाइन्स भएको छ। एक वर्षमा डेल्टा एयरलाइन्सको कुल आम्दानी ६८ अर्ब ३० करोड डलर पुगेको छ।

कोरोना महामारीयता डेल्टाले निरन्तर रूपमा सबैभन्दा बढी आम्दानी गर्दै आएको छ। सन् १९२५ मा स्थापित एटलान्टामा मुख्य कार्यालय रहेको डेल्टा एयरलाइन्स विश्वभरको सबैभन्दा मूल्यवान वायुसेवा कम्पनी पनि हो।

दोस्रो स्थानमा अमेरिकाकै युनाइटेड एयरलाइन्स रहेको छ। युनाइटेडले एक वर्षमा ६२ अर्ब ९० करोड डलर आम्दानी गरेको छ। यसैगरी तेस्रो स्थानमा रहेको अमेरिकन एयरलाइन्सले ५६ अर्ब डलर आम्दानी गरेको छ। तीन अमेरिकी एयरलाइन्स कम्पनीले मात्र १ खर्ब ८७ अर्ब डलर आम्दानी गरेका छन्।

चौथो स्थानमा जर्मनीको लुफ्थान्सा एयरलाइन्स रहेको छ। लुफ्थान्साले ४७ अर्ब १० करोड आम्दानी गरेको छ भने पाँचौँ स्थानमा इन्टरनेसनल कन्सोलिडियट एयरलाइन्सले ३९ अर्ब १० करोड कमाएको छ। यसैगरी, एयर फ्रान्सको ३६ अर्ब, अमेरिकाको साउथ वेस्ट एयरलाइन्सले २८ अर्ब ९० करोड डलर कमाएको छ।

आठौँ स्थानमा चाइना साउर्दन एयरलाइन्स भएको छ। साउर्दनले २५ अर्ब ३० करोड डलर कमाउँदा नवौँ स्थानमा एयर चाइनाको आम्दानी २३ अर्ब ६० करोड पुगेको छ। १० औँ स्थानमा चाइना इस्टर्न एयरलाइन्सको कमाइ १९ अर्ब ४० करोड डलर रहेको छ।

कोरियन एयरलाइन्सको १७ अर्ब ८० करोड, सिङ्गापुर एयरलाइन्सको १६ अर्ब, अष्ट्रेलियाको क्वान्टास एयरवेजको १५ अर्ब ४० करोड, हङकङको क्याथे प्यासिफिकको १५ अर्ब, जापान एयरलाइन्सको ११ अर्ब ७० करोड र जेट ब्लु एयरको ९ अर्ब २० करोड कारोबारसहित २५ औँ स्थानमा छ।

शिकागोमा मुख्यालय रहेको युनाइटेड १९३१ मा स्थापना भएको हो। युनाइटेड एयरलाइन्स विश्वको सबैभन्दा ठूलो एयरलाइन गठबन्धन स्टार एलायन्सको संस्थापक सदस्य हो।

युरोपका सबैभन्दा ठूला परम्परागत एयरलाइन्स समूहहरूमा लुफ्थान्सा, अन्तर्राष्ट्रिय एयरलाइन्स समूह (आईएजी) र एयर फ्रान्स केएलएम समावेश छन्। तीनमध्ये दुई राष्ट्रिय ध्वजावाहकहरूको प्रमुख विलयबाट गठन भएका थिए।

एयर फ्रान्स केएलएम ३६ अर्ब डलरमा फ्रान्सेली र डच ध्वजावाहकहरूको संयोजनबाट सिर्जना गरिएको थियो। अन्तर्राष्ट्रिय एयरलाइन्स समूह ३९ अर्ब डलरमा सन् २०११ मा स्पेनको इबेरिया र बेलायतको ब्रिटिश एयरवेजको विलयबाट आएको हो। आईएजीले त्यसपछि एयर लिङ्गस र भुलिङलगायतका एयरलाइन्सहरू थपेको छ।

जर्मनीको ध्वजावाहक लुफ्थान्सा ४७ अर्ब डलरले आईएजी र एयर फ्रान्स केएलएम दुवैभन्दा बढी वार्षिक व्यापार गर्छ। युरोपमा पनि एक महत्त्वपूर्ण कम लागतको एयरलाइन्स बजार छ। जसको नेतृत्व आयरल्यान्डको रायन एयरले १८.२ अर्ब डलर व्यापार गरेको छ।

टेक्सासमा आधारित अमेरिकन एयरलाइन्स यात्रु ट्राफिक र उडान गतिविधिको हिसाबले विश्वको सबैभन्दा ठूलो वाहकहरू मध्ये एक हो। यसका बावजुद वार्षिक आम्दानी यस श्रेणीमा डेल्टा र युनाइटेड दुवैभन्दा पछि रहेको छ। अमेरिकी बिग थ्रीभन्दा बाहिर अत्यधिक सक्रिय छ साउथवेस्ट एयरलाइन्स। यात्राका लागि सबैभन्दा व्यस्त वर्ष बनेको छ।

एसियाको नेतृत्व गर्दै चिनियाँ एयरलाइन्स

चाइना साउदर्न २५.३ अर्ब, एयर चाइना २३.६ अर्ब र चाइना इस्टर्न १९.४ अर्ब डलर आम्दानीसहित एसियामा सबैभन्दा धेरै कमाउने वायुसेवा कम्पनी हुन्।

एयर चाइनाको विशेष गरी बलियो अन्तर्राष्ट्रिय र लामो दूरीको नेटवर्क छ। जबकि, चाइना साउर्दन फ्लीट आकार र यात्रु संख्याको हिसाबले यस क्षेत्रको सबैभन्दा ठूलो एयरलाइन्समध्ये एक हो। चाइना इस्टर्नले व्यापक घरेलु र अन्तर्राष्ट्रिय नेटवर्क पनि सञ्चालन गर्दछ।

एयर चाइना स्टार एलायन्सको हिस्सा हो। जबकि, चाइना इस्टर्न स्काईटीमको सदस्य हो।

(भिजुअल क्यापिटलिस्टको सहयोगमा)