टिकट वितरणका कमजोरीको जिम्मा लिन्छु : पूर्णबहादुर खड्का

काठमाडौँ- नेपाली कांग्रेसका उपसभापति पूर्णबहादुर खड्काले तीन तहमा सम्पन्न भएका निर्वाचनमा टिकट वितरणका बेला कुनै कमजोरी भए त्यसको जिम्मा लिने बताएका छन्। कांग्रेस केन्द्रीय समिति बैठकमा उठेका प्रश्नको जवाफ दिँदै उनले आफू टिकट वितरण गर्ने संसदीय बोर्डमा सदस्य रहेकाले कमजोरीको पनि जिम्मा आफूले लिने बताएका हुन्।

‘विधिअनुसार टिकट वितरण गरिएको छ, तैपनि कुनै कमजोरी भएको भए म संसदीय समिति सदस्य भएकोले जिम्मेवारी लिन्छु,’ उनको भनाइ थियो। यद्यपि आफूले राम्रा कामको पनि जस दाबी गर्ने उनको भनाइ थियो। सभापतिका विषयमा जथाभावी टीकाटिप्पणी गर्न आवश्यक नभएको उनको भनाइ छ।

थप उनकै शब्दमा
हाम्रा बारेमा साथीहरुले टिप्पणी गर्नुभएको छ। आएका सबै सुझावलाई सकारात्मकरुपमा लिनुपर्छ। महामन्त्रीजीहरूले बोल्ने बेला भन्नुभयो- सभापतिले बोलाएका बेलामा हामी जाने गरेका छौं। मेरो यसमा थप सुझाव छ- बोलाएका बेला मात्र होइन कि महामन्त्रीको जिम्मेवारी र पद सभापति र संस्थाको लागि कार्यकारी सल्लाहकार पद पनि हो।

परिस्थिति चुनौतीपूर्ण छ। जनतामा आत्मविश्वास जागाउनुपर्ने हो नसकेका कारण निराशा आशंका उत्पन्न भएको छ। त्यसलाई दुरुपयोग गर्दै परिवर्तनलाई चुनौती दिने प्रयास पनि भइरहेको छ।

गत निर्वाचनमा विधिअनुसार टिकट वितरण गरिएको छ, तैपनि कुनै कमजोरी भएको भए म संसदीय समिति सदस्य भएकोले जिम्मेवारी लिन्छु। दोहोरो मापदण्डका कारण त्यहाँ केही अन्याय भएको छ। पार्टीभित्र विचार समूह हुन्छ। नकार्न मिल्दैन। कहिले घटनाले गर्दा नीतिगत निर्णय गर्दा मन मिल्छ। ती विचार समूहलाई समेटेर जाने कुरालाई जोडेर जाने कुरामा हाम्रो महत्वपूर्ण भूमिका हुन्छ। बसेर छलफल गरेर समधान निकाल्ने र नविन बाटो बनाउने हो। रुपान्तरण भनेको त्यही हो।

जिम्मेवारीमा बसेकाहरुले आएका गुनासा मेट्ने हो। सभापतिले म अर्को पटक सभापति लड्ने होइन तयारी गर्नुस् भनेर सार्वजनिक रुपमा भनिसक्नुभएको छ। भोलिको नेतृत्वमा पुग्न हामीले सिंगो पार्टीलाई जोड्न हामीले सार्वजिनकरुपमा आफ्ना कुरा राख्नुपर्छ। हिलो छ्याप्ने र गाली गर्ने कुराले हामीलाई कहीँ पुर्‍याउँदैन। सुशासनका सन्दर्भमा भ्रष्टाचारका सन्दर्भमा जनतासँग जोडिएका कुरामा यो केन्द्रीय समिति बैठकले सरकारलाई सुझाव दिइयोस् भन्ने प्रस्ताव राख्न चाहान्छु।

अहिले समाजवादी मोर्चाको बारेमा कुरा उठेको छ। जुन दिन गठबन्धन भत्किएको पुनर्स्थापित गर्ने बैठक बालुवाटारमा भयो। चार नेताको बीचमा जे खालका सहमति भए। त्यही सन्दर्भमा तीन दलको मोर्चा बनाउँछौं भनेर तीन दलबीचमा समाजवादी मोर्चा बनाउने कुरा भएको हो। पछि विप्लवजी थपिनुभएको हो।

राष्ट्रपतिको उपचारका बारेमा केही भन्नुछ। राष्ट्रपतिज्यू परिवारको इच्छाले उपचारमा जानुभएको छैन। सरकारले विवरण पेश गर्ने कुरा भइरहेको छ। उहाँ सिरियस भएको कुरा आएपछि म टिचिङ गएँ। मैले र प्रधानमन्त्री भेटेको हो। राष्ट्रपतिले मलाई विदेश नपठाउनुस्। डाक्टरहरुले फोक्सोमा पनी जमेको कुराहरु जोडेर हाम्रो प्रविधिले भ्याउँदैन बाहिरै लैजाऔँ भनेपछि भोलिपल्ट विदेश लगेको हो।

विदेशमा उपचारका विषयमा दुईखाले कानुन छन्। एउटा कसैले पनि विदेशमा उपचार गर्दा पैसा सरकारले नदिने भन्ने कानुन छ। अर्को राष्ट्रपतिको उपचार खर्च व्यवहोर्ने गरी संसदले ऐन पारित गरेको छ। एयर एम्बुलेसन्का कारण खर्च बढी भएको हो। यसको खर्च विवरण सरकारले पेश गर्छु।

यहाँ आएका सुझावलाई मन्त्रीहरुले गम्भीररुपमा लिएका छौं। पार्टीको मर्यादा घोषणापत्र र पार्टीका साथीहरुको भावना विपरित हामीले काम गर्दैनौं। नेपाली जनताको शिर झुक्नेगरी काम गर्ने छैनौं।