टेलरको कन्सर्टले अमेरिकामा भूकम्प

सिएटल- अमेरिकी सहर सिएटलमा गायिका टेलर स्विफ्टको कन्सर्टले भूकम्प ल्याएको छ। स्विफ्टको कन्सर्टमा भएका गतिविधिले २.३ म्याग्निच्युडको भूकम्पजत्तिकै कम्पन उत्पन्न गरेको अमेरिकी भूगर्भशास्त्रीले बताएका छन्।

जुलाई २२ र २३ मा लुमेन फिल्डमा भउको स्विफ्टको कन्सर्टका गतिविधिले भूकम्पबराबरको कम्पन पैदा गरिएको रेकर्ड भएको हो।

भूकम्पविद् ज्याकी क्याप्लान-अउरबाचका अनुसार स्विफ्टका फ्यानको आवाज र त्यहाँ प्रयोग गरिएका उपकरणका कारण ठूलो आवाज आउँदा कम्पन पैदा भएको हो।

यद्यपि सिएटलमा कसैको कन्सर्ट वा आवाजका कारण भूकम्प आएको यो नै पहिलो पटक भने होइन। तर यसअघि यसरी मेलामहोत्सवका कारण कम्पन भएका सबै रेकर्डलाई टेलरको कन्सर्टले तोडेको छ। सन् २०११ मा भएको ‘बिस्ट क्वेक’लाई पनि टेलरको कन्सर्टको आवाजले तोडेको छ। न्यू अर्लिन्स सेन्ट्सविरुद्धको बेसबल खेलको क्रममा सिएटल सीहक्सका लागि मार्सल लिन्चले गोल गर्न लागेको समयमा उनका फ्यानले चिच्याएको आवाजले पनि भूकम्प पैदा गरेको थियो।

पश्चिमी वाशिंगटन विश्वविद्यालयका भूविज्ञान प्राध्यापक क्याप्लान-अउरबाचका अनुसार टेलर कन्सर्ट र उक्त खेलबीचको भिन्नता ०.३ म्याग्निच्युड थियो। तर टेलर कन्सर्टको कम्पन भने दुई गुणा ठूलो थियो।

‘मैले कन्सर्टको दुवै रात भएको कम्पनको तथ्यांक अध्ययन गरेँ,’ उनले भनिन्, ‘दुवै रातका कम्पन लगभग समान छन्।’ सिएटल कन्सर्टमा १ लाख ४४ हजार प्रशंसक उपस्थित थिए।

इन्स्टाग्राममा पोस्ट गर्दै स्विफ्टले भने खुशी व्यक्त गरेकी छन्। ‘सिएटल कन्सर्ट साँच्चिकै राम्रो भयो। सबै कुराको लागि धन्यवाद। मनैदेखि खुशी हुने, चिच्याउने, उफ्रिने, नाच्ने, गाउने सबैलाई धन्यवाद!’

पछिल्लव समय कन्सर्टहरूले भूकम्पको जस्तै कम्पन पैदा गर्न थालेका छन्। २०११ मा न्यूजील्याण्डमा फू फाइटरहरूको कन्सर्टमा पनि यस्तै कम्पन पैदा भएको थियो।