नेकपा एसको स्थायी कमिटी बैठक बस्दै
Untitled
काठमाडौं– माधवकुमार नेपाल नेतृत्वको सत्तारुढ नेकपा एकीकृत समाजवादीको स्थायी कमिटी बैठक आज बस्दै छ। तीनकुने केन्द्रीय कार्यालयमा बिहान ११ बजे बस्ने स्थायी कमिटी बैठकमा सदस्यहरूले धारणा राख्नेछन्।
बैठकमा कार्यसूचीमा आधारित भए पनि स्थायी कमिटी सदस्यहरूलाई आफूलाई लागेको कुरा निर्धक्क भन्न समय दिइएको नेकपा एसका नेता राजेन्द्र पाण्डेले बताए। उनले भने, ‘शनिबार मात्रै करिब १८ जनाले आफ्ना कुरा राख्नुभयो। आज बाँकी सदस्यले राख्नेछन्।’ आजसम्म चल्ने बैठकमा पार्टी स्थापनाको दुई वर्षसम्म भएका गतिविधिबारे समीक्षात्मक धारणा राख्ने र त्यस आधारमा निष्कर्ष निकालिने नेकपा एसले बताएको छ।
शनिबारको छलफलमा सरकारको गतिविधि, समाजवादी पार्टीको भूमिका र समाजवादी मोर्चाबारे सदस्यले धारणा राखेको नेता पाण्डेले बताए। सुरुमा ३५ सदस्यीय पदाधिकारी बनाएको नेकपा एसमा विभिन्न नेताहरुले पार्टी छाड्ने क्रम जारी छ।
हिजो मात्रै नेकपा एसबाट निष्कासनमा परेका केन्द्रीय सदस्य तथा सिन्धुपाल्चोक जिल्ला इन्चार्ज सुवास कर्माचार्य, केन्द्रीय सदस्य उपेन्द्र तामाङलगायत सिन्धुपाल्चोकका दर्जनौं नेता, कार्यकर्ता एमाले फर्किएका छन्। नेकपा एस छाडेर मूल पार्टी एमाले फर्किने नेता, कार्यकर्ताको संख्या बढेको छ।
कांग्रेसको नयाँ कार्यसमितिले आजदेखि जिम्मेवारी सम्हाल्ने
प्रधानमन्त्री राहत कोषमा १८ अर्ब १३ करोड
बैंकक उडे ऊर्जामन्त्री, यस्तो छ कार्यतालिका
लुम्बिनी विकास कोषको उपाध्यक्षमा आनी छोइङ डोल्मा नियुक्त
चार वर्षभित्र नागरिकका प्रश्नको चित्तबुझ्दो जवाफ दिने कांग्रेस बनाउँछु : सभापति थापा
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
पौने तीन अर्बमा कुपन्डोलमा पाँचतारे ‘हायात प्लेस’ होटल बन्दै, दुई वर्षमा सञ्चालन हुने
ऋण नतिरेपछि ग्रिनलाइनका अमित अग्रवालको सम्पत्ति लिलाम गर्दै एनआईएमबी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
