‘टाइगर ३’को टिजर ल्याएर यशराज फिल्म्सले गरेको चलाखी

काठमाडौं– यशराज फिल्म्स स्पाई युनिभर्सको आगामी किस्ता ‘टाइगर ३’ यो वर्षको बहुप्रतिक्षित फिल्म मध्येको एक हो। ‘एक था टाइटगर’ (२०१२) र ‘टाइगर जिन्दा है'(२०१७) को लोकप्रियता पछि यशराज ब्यानर ‘टाइगर ३’का साथमा स्पाई युनिभर्सलाई अघि बढाउन तयार छ। स्पाई युनिभर्स अन्तर्गत यसअघि ‘एक था टाइगर’, ‘टाइगर जिन्दा है’, ‘वार’ र ‘पठान’ रिलिज भइसकेका छन्।

अब सलमान खान एकपटक फेरी स्पाई एजेन्टको पात्रमा देखिनेछन्। शाहरुख खानको ‘पठान’मा सलमानले टाइगर बनेर जबरदस्त एन्ट्री गरेका थिए। अब शाहरुख ‘टाइगर ३’मा पठान बनेर एन्ट्री गर्नेछन्। यो फिल्मको सबैभन्दा ठूलो यूएसपी हो।

यशराज फिल्मले फ्रेन्चाइजीको पछिल्लो ट्रेलरमा स्पाई युनिभर्सको लोगो समावेश गरेको छ। लोगो यसै वर्षको जनवरी ७ मा अनावरण गरेको थियो। यो लोगो १० जनवरीमा रिलिज भएको ‘पठान’को ट्रेलरमा देखाइएको थियो। यसको मतलब यो युनिभर्सको पछिल्लो फिल्म र त्यसको ट्रेलरमा रोमान्चक लोगो थिएन। तर अहिले यशराज फिल्म्सले यूट्यूबमा स्पाई यूनिभर्स लोगोसँगै ‘एक था टाइगर’, ‘टाइगर जिदा है’ र ‘वार’ को ट्रेलरमा पनि युनिभर्सको लोगो अपडेट गरेको छ।

यस्तो गर्नु एक बुद्दिमतापूर्ण कुरा हो। यस्तो हुँदा दर्शकले पुरानो फिल्मको ट्रेलर फेरी हेर्नेछन्। र लगातार भ्यूज बढ्नेछ अनि कमेन्ट पनि आउनेछ। दर्शकलाई लाग्ने-सलमान खान, शाहरुख खान, ऋतिक रोशनसँगै कटरिना कैफ र दीपिका पादुकोणको पात्र पनि एकै युनिभर्सका हुन्।

यसका साथै जो दर्शकले हालै यी फिल्मबारे जानकारी पाएका छन्, उनीहरुले पनि यी फिल्म एकै युनिभर्सका हुन् भन्ने थाहा पाउनेछन्। यसले यसअघि आइसकेका फिल्मको भ्याल्यू बढाउँछ। ‘टाइगर ३’ मनिष शर्माले निर्देशन गरेका छन्। फिल्ममा सलमान, कटरिना र इमरान हाशमीको मुख्य भूमिका छ। यो फिल्म दिपावलीको अवसरमा रिलिज हुनेछ।