गाजामा सकियो युद्धविराम, इजरायलले थाल्यो आक्रमण

गाजा- हमासले युद्धविरामका शर्त उल्लंघन गरेको आरोप लगाउँदै इजरायलले प्यालेस्टाइनी क्षेत्र गाजापट्टीमा आक्रमण सुरु गरेको छ। सात दिनसम्म चलेको युद्धविरामलाई तोड्दै आक्रमण सुरु भएको हो।

७ दिने युद्धविरामका क्रममा हमासले बन्धक बनाएका ११० जनालाई मुक्त गरेको थियो। यसको बदलामा इजरायलले २४० जना प्यालेस्टाइनीलाई कैदमुक्त गरेको थियो।

इजरायली सेनाका अनुसार बिहान ६ बजे नै इजरायली क्षेत्रका साइरन बजेका थिए। त्यसको केही समयमा नै इजरायली सेनाले हमासले प्रहार गरेको रकेटलाई निशस्त्रीकरण गरेको उल्लेख गरेको छ। बिहान ७ बजे पुनः साइरन बजेपछि इजरायली सेनाले युद्धविराम सहमति अन्त्य भएको बताएको हो।

‘हमासले युद्धविरामलाई उल्लंघन गरी हमासले इजरायली क्षेत्रमा आक्रमण गरेको छ। आडीएफ (इजरायली सेना)ले पनि गाजामा हमासविरुद्धको कारबाहीलाई निरन्तरता दिएको छ,’ आईडीएफले भनेको छ।

गत अक्टोबर ७ मा हमासले इजरायली क्षेत्रमा आक्रमण गर्दा १२ सय जनाको मृत्यु भएको थियो भने २४० जनालाई हमासले नियन्त्रणमा लिएर बन्धक बनाएको थियो।

यसको प्रतिकारमा इजरायली सेनाले गाजा क्षेत्रमा आक्रमण गर्दा १४ हजार ८ सय जनाको मृत्यु भएको छ भने ६ हजार जना बालबालिका छन्।