विराटनगरमा शंकास्पद वस्तु, सेनाले बनायो निष्क्रिय
नेपाल क्लिक्स
विराटनगर- मोरङको विराटनगर महानगरपालिका-३ मा फेला परेको शंकास्पद वस्तु नेपाली सेनाले निष्क्रिय बनाएको छ।
मंगलबार बिहान झाडीभित्र लुकाएर राखेको अवस्थामा भेटिएको शंकास्पद वस्तुलाई निष्क्रिय पारिएको जिल्ला प्रहरी प्रमुख एसपी दीपक पोखरेलले जानकारी दिए।
दुई लिटरको प्रेसर कुकर टेपले बाँधेर राखिएको अवस्थामा फेला परेको थियो। उक्त वस्तु फेला परेपछि प्रहरीले नेपाली सेनाको टोलीलाई बोलाएको थियो। बम डिस्पोजल टोलीले बिहान पौने ११ बजे उक्त वस्तु निष्क्रिय पारेको छ।
‘प्रेसर कुकरमा टेपहरू बाँधेको अवस्थामा फेला परेको थियो। सेनाले विष्फोटक पदार्थबारे अध्ययन गर्न लिएर गएको छ,’ एसपी पोखरेलले भने।
यसैबीच सोमबार दिउँसो प्रहरीले शंकास्पद दुई जनालाई पक्राउ गरेको छ। पक्राउ पर्नेमा इलाम माम्सेबुङ गाउँपालिका वडा नम्बर १ गजुरमुखीका ३८ वर्षीय प्रवीण मिश्र र पाँचथर याङवरक गाउँपालिका-१ का ३० वर्षीय विपिन अधिकारी छन्।
उनीहरूले शैक्षिक संस्थालाई धम्क्याउन प्रेसर कुकर बम बनाएको बयानसमेत दिएका थिए। त्यसपछि प्रहरीले मंगलबार शंकास्पद वस्तु फेला पारेको हो।
प्रहरीले उनीहरूबाट विस्फोटक पादर्थमा प्रयोग हुने डेटोनेटर, सोडा, सहयोगको ठेली, खाली खाम लगायत बरामद गरेको छ।
आन्दोलनरत चिकित्सक र सरकारबीच ५ बुँदे सहमति
सुनसरीमा भएको घटनाका सम्बन्धमा छानबिन गर्न गठित समितिमा दुई सदस्य थप
५ बुँदे मागसहित लघुवित्त पीडितहरू दुई दिनदेखि आमरण अनसनमा
९ वटा विधेयक संसद्मा पेस गर्न स्वीकृति दिने मन्त्रिपरिषद्को निर्णय, कुन–कुन?
बैंकिङ कसुर मुद्दामा प्रभु बैंककी प्रमुख व्यवसाय अधिकृत रश्मी पन्त पक्राउ
सिमरामा २ अर्ब लगानीमा पाँचतारे होटल ‘अन्नपूर्ण भिस्टा’ बनाउँदै क्याप्टेन रामेश्वर थापा
उडानको तयारीमा डलर अर्बपति अदानीः धेरै एयरलाइन्स असफल भएको भारतमा चम्किलान्?
बहुराष्ट्रिय कम्पनी सूर्य नेपालको चुरोट व्यापार बढ्दो, एक वर्षमा साढे ३२ अर्बको कारोबार
मध्यपूर्वमा सैन्य तनावले तेल बजार प्रभावित, विश्व अर्थतन्त्र जोखिममा पर्ने चेतावनी
अबको १० वर्षमा पैसाको कुनै महत्त्व रहन्न: एलन मस्क
