देखाइयो रातो मच्छिन्द्रनाथको भोटो [तस्बिरहरू]

ललितपुर- राष्ट्रपति रामचन्द्र पौडेलले वर्षा र सहकालका देवता रातो मच्छिन्द्रनाथ भोटो अवलोकन गरेका छन्।

ललितपुरको जावलाखेलमा आइतबार अपराह्न पौडेलले भोटो अवलोकन गरेका हुन्।

राताे मच्छिन्द्रनाथको रथ लगनखेलबाट जावलाखेल पुर्‍याइएको चौथो दिन भोटो देखाउने परम्पराअनुसार आइतबार राष्ट्रपति पौडेलको उपस्थितिमा गुठी संस्थान ललितपुरका कर्मचारीले भोटो देखाएका हुन्।

राष्ट्रपति पाैडेल भाेटाे जात्रा अवलाेकनका लागि जावलाखेल पुग्दा ललितपुर महानगरपालिकाका प्रमुख, उपप्रमुखलगायतका अधिकारीहरू तथा गुठी संस्थानका पदाधिकारीहरूले स्वागत गरेका थिए।

सो अवसरमा राष्ट्रपति पौडेलले रातो मच्छिन्द्रनाथको दर्शन गर्नुका साथै प्रसाद ग्रहण गरेका थिए।

भोटो जात्रा अवलोकन गर्न उपराष्ट्रपति रामसहायप्रसाद यादव, प्रधानमन्त्री केपी शर्मा ओली, प्रधानन्यायाधीश विश्वम्भर श्रेष्ठ, सभामुख देवराज घिमिरे, राष्ट्रिय सभाका अध्यक्ष नारायण दाहाल, उपप्रधानमन्त्रीहरू, मन्त्रीहरूलगायत उच्च पदस्थ अधिकारीहरूकाे सहभागी थिए।

भोटो जात्रा हेर्न आम नागरिकको उल्लेख्य सहभागिता थियो। भाेटाे जात्राका अवसरमा सरकारले काठमाडौं उपत्यकामा सार्वजानिक बिदा दिएकाे छ।