अमेरिकी राष्ट्रपति बाइडेनको अन्तिम भाषण, ‘अमेरिकामा धनीहरूको वर्चस्व बढ्दै गयो’

एजेन्सी – अमेरिकी राष्ट्रपति जो बाइडेनले बुधबार राति आफ्नो बिदाइ भाषण दिएका छन्। बाइडेनले आफ्नो अन्तिम भाषणमा भने अमेरिकामा धनीहरूको सानो वर्गको वर्चस्व बढ्दै गएको बताएका छन्। यसले देश र लोकतन्त्रलाई खतरामा पारेको उनको भनाइ थियो।

उनले देशमा प्राविधिक औद्योगिक कम्पलेक्स बढ्दै गएकोमा पनि चिन्ता व्यक्त गरे। बाइडेनले यसलाई अमेरिकी नागरिकको अधिकारका लागि खतरा भएको बताएका छन्। आफ्नो कार्यकालबारे बाइडेनले बुधबार एक पत्र पनि जारी गरेका थिए, त्यसमा उनले प्रतिबद्धता पूरा नभएको स्वीकार गरेका छन्।

बाइडेनको भाषण ट्रम्पले पदभार ग्रहण गर्नुभन्दा ५ दिनअघि हो। ओभल अफिसमा आफ्नो अन्तिम सम्बोधनमा उनले आफ्नो ५० वर्षको राजनीतिक करियरको पनि चर्चा गरेका थिए। उनले भने, ‘संसारमा अमेरिकामा मात्र यस्तो हुन सक्छ, जहाँ एउटा भकभके बच्चा राष्ट्रपति बन्छ।’

बाइडेनले सोमबार राजधानी वासिङ्टनमा अन्तिम भाषण दिने क्रममा चीनले अमेरिकालाई कहिल्यै उछिन्न नसक्ने पनि दाबी गरेका थिए। यससँगै उनले अफगानिस्तानमा युद्ध अन्त्य गर्ने निर्णयलाई जायज ठहराएका थिए।