‘भैँसी चढेर आएको’ शब्दले सदनमा चर्काचर्की

काठमाडौँ- प्रधानमन्त्री पुष्पकमल दाहाल प्रचण्ड भारतबाट ‘भैँसी चढेर आएको’ शब्दले सदनमा चर्काचर्की भएको छ। प्रतिनिधि सभामा राष्ट्रिय सभाको बैठकमा राष्ट्रिय स्वतन्त्र पार्टीका सांसद शिशिर खनालले प्रधानमन्त्री दाहाल ‘भैँसी चढेर आएको’ भनी व्यंग्य गरेका थिए।

यसपछि सत्तापक्षका सांसद हितराज पाण्डेले उक्त शब्द संसदीय मर्यादाविपरीतको भएको भन्दै उक्त शब्द रेकर्डबाट हटाउन माग गरे। त्यसपछि सत्ता पक्ष र प्रतिपक्षबाट चर्काचर्की भएको थियो।

यसअघि प्रधानमन्त्री दाहालको सम्बोधनमा पनि ‘प्रधानमन्त्री भैँसी चढेर आएको’ भनी व्यंग्य गरिएको भन्दै आपत्ति जनाएका थिए। यसपछि एमाले र रास्वपाका सांसदहरूले प्रधानमन्त्रीको अभिव्यक्तिमा समेत आएको उक्त शब्द हटाउन प्रतिपक्षी दलका सांसदले माग गरेका थिए।

भैँसी चढेको विषयमा केही समय चर्काचर्की परेपछि सभामुख देवराज घिमिरेले ‘भैँसी चढेर आएको’ भन्ने शब्द हटाउन निर्देशन दिए। तर प्रधानमन्त्री दाहालले भनेको उक्त शब्दको अभिप्राय एकै नहुने भन्दै त्यसलाई हटाउन नपर्ने उल्लेख गरे। यसपछि प्रतिपक्षी सांसदको विरोध साम्य भयो। सत्ता पक्ष पनि सम्हालियो। अहिले बैठक नियमित रूपमा चलिरहेको छ।