निर्वाचनका लागि नेपाललाई भारतले दियो ६१ वटा गाडी, थप ४७७ वटा दिने

काठमाडौँ: भारत सरकारले आगामी फागुन २१ गते हुने निर्वाचनका लागि नेपाल सरकारलाई ६१ वटा यातायातका साधन हस्तान्तरण गरेको छ। मंगलबार सिंहदरबारमा आयोजित एक कार्यक्रमका बीच भारतीय दूतावासले ६१ वटा क्याबिन पिक भ्यान सकारलाई हस्तान्तरण गरेको गृह मन्त्रालयका प्रवक्ता आनन्द काफ्ले जानकारी दिए।

उनकाअनुसार भारतले आसन्न निर्वाचलाई मध्यनजरगरी विभिन्न प्रकारका ५३८ वटा गाडी सहयोग गर्दैछ भने आज पहिलो चरणमा ६१ वटा गाडी हस्तान्तरण गरेको हो। बाँकी ४७७ वटा गाडी अर्को चरणमा उपल्बध गराइनेछ।

प्रवक्ता काफ्लेले भने ,‘भारत सरकारबाट प्राप्त हुने गाडीहरुको आज पहिलो चरणको हस्तान्तरण भएको छ। आज ६१ वटा गाडी हस्तान्तरण भएको छ। विभिन्न प्रकारका ५३८ वटा गाडी भारत सरकारले निर्वाचनलाई मध्यनजर गरेर सुरक्षा निकायलाई प्राप्त हुँदैछ।’

त्यस्तै उनले सरकारले आफ्नो नियमित बजेटबाट पनि गाडी खरिदको काम अन्तिम चरणमा पुर्याएको बताए। निर्वाचन आयोग, सुरक्षा निकाय र जिल्ला प्रशासनहरुमा आवश्यक्ता अनुसार वितरण गरिने उनले जानकारी दिए। ‘जेनजी आन्दोलनपछि सुरक्षा निकायमा सवारी साधनको कमी थियो। सरकारले आफ्नो नियमित बजेटबाट पनि खरिदको अन्तिम चरणमा पुगेको छ भने निर्वाचन आयोग, सुरक्षा निकाय ,जिल्ला प्रशासनहरुमा आवश्कताको अनुसार वितरण गर्ने छौँ,’ उनले भने

गृह मन्त्रालयले अर्थ मन्त्रालयमार्फत निर्वाचन प्रयोजनका लागि वस्तुगत सहायताअन्तर्गत भारत सरकारसँग गाडी माग गरेको थियो।