दोस्रो साक चेस च्याम्पियनसिप भोलिबाट
Untitled
काठमाडौँ- नेपाल बुद्धिचाल महासंघको आयोजनमा दोस्रो साक चेस च्याम्पियनसिप २०२३ जेष्ठ ३० गतेबाट हुने भएको छ। असार ४ गते सम्म गोदावरीस्थित होटेल भ्यु भृकुटीमा पूर्ण आवासीय सुविधासहित हुने प्रतियोगितामा महिला र पुरुष विधामा प्रतिस्पर्धा हुनेछ।
प्रतियोगितमा आयोजक नेपालसहित दक्षिण एसियाका भारत, बंगलादेश, पाकिस्तान, मालदिभ्स, श्रीलंका, भुटान र अफगानिस्तानका १० महिला र १० पुरुष खेलाडीहरुले राउण्ड रोविनको आधारमा प्रतिस्पर्धा गर्ने पत्रकार सम्मेलनमा जानकारी दिइयो। च्याम्पियनसिपको पहिलो संस्करण बंगलादेशमा खुला प्रतिस्पर्धाको आधारमा भएको थियो।
दक्षिण एसियाका प्रत्येक राष्ट्रबाट १ महिला र १ पुरुष खेलाडी, डिफेन्डिङ्ग च्याम्पियन १ महिला र १ पुरुष तथा आयोजक नेपालबाट थप १ महिला र १ पुरुष खेलाडी गरी १०/१० खेलाडीहरुले स्वर्ण पदकका लागी प्रतिस्पर्धा गर्ने आयोजकले जनाएका छन्।
नेपालबाट पुरुषतर्फ वर्तमान च्याम्पियन फिडेमास्टर रुपेश जयसवाल र रनरअप सुरवीर लामा तथा महिला तर्फ राष्ट्रिय च्याम्पियन फिडेमास्टर सुजना लोहनी र रनरअप सुशीला गुरुङ्गले प्रतिस्पर्धा गर्ने छन्। यस्तै अफगानिस्तानले च्याम्पियनसिपमा सहभागिता नजनाउने भए पश्चात साउथ एसियन चेस काउन्सिलका अध्यक्षको परामर्शमा थप एक/एक नेपाली खेलाडीले उक्त च्याम्पियनसिपमा सहभागिता जनाउन पाउने भएको अध्यक्ष विदुर गौतमले पत्रकार सम्मेलनमा जानकारी गराए।
पहिलो संस्करणका पुरुष तर्फका विजेता भारतीय इन्टरनेसनल मास्टर नुवइरशशाह सेख र महिला तर्फकी विजेता बंगलादेशकी वुमन ईन्टरनेशनल मास्टर सुल्तान सरमीन सिरिनले च्याम्पियनसिपमा प्रतिस्पर्धा गर्ने छन्। यस्तै ग्रान्डमास्टर सायनतन दासले पनि यस च्याम्पियनसिपमा प्रतिस्पर्धा गर्ने पत्रकार सम्मेलनमा जानकारी गराइयो।
अनुमानित ४० लाखको बजेट रहेको च्याम्पियनसिपमा पुरुषतर्फ प्रथमले नगद १ लाख ५० हजार, दोस्रोले १ लाख र तेश्रोले नगद ५० हजार प्राप्त गर्नेछन्। महिलातर्फका विजयी खेलाडीले नगद १ लाख, दोस्रोले ६० हजार र तेश्रोले नगद ४० हजार प्राप्त गर्नेछन्।
टस हारेर ब्याटिङ गर्दै पोखरा, मैदानमा दिनेश खरेल र मेहदी हसन
एनपीएलले बढायो होटलहरूको कारोबार
एनपीएलमा चाँदीको बल पुरस्कार, पहिलो विजेता बने शेर मल्ल
एनपीएलका लागि ९ सहरमा एक्सट्रीमका १० फ्यान जोन, प्रवेश निःशुल्क
एनपीएल क्रिकेट: जनकपुर टस जितेर फिल्डिङमा
जहाँ संकट, त्यहाँ अम्बिका
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
‘जनकपुरमा २ अर्बको होटलदेखि मुक्तिनाथसम्म लगानी गर्दैछौँ’ [अन्तर्वार्ता]
