सकियो बिमस्टेक रिट्रिट

काठमाडौँ– बिमस्टेकका सदस्य राष्ट्रका परराष्ट्रमन्त्रीहरू संलग्न बिमस्टेक रिट्रिट सम्पन्न भएको छ। सोमबार थाइल्यान्डको बैंककमा रिट्रिट सम्पन्न भएको हो।

नेपालका तर्फबाट परराष्ट्रमन्त्री एनपी साउद सहभागी भएको रिट्रिटमा सदस्य देशहरूबीच आपसी सम्बन्ध विस्तारका विषयमा छलफल भएको परराष्ट्रमन्त्री साउदले जानकारी दिए।

‘बिमस्टेकका सदस्य राष्ट्रका परराष्ट्रमन्त्रीहरूबीच आपसी सहयोगलाई अझ बलियो बनाउने विषयमा सार्थक छलफल भएको छ,’ मन्त्री साउदले गरेको ट्विटमा उल्लेख छ। ऊर्जा, कनेक्टिभिटी, जलवायु परिवर्तन, स्वास्थ्य, खाद्य सुरक्षा र प्रविधिका क्षेत्रमा महत्वपूर्ण छलफल भएको मन्त्रीको ट्विटमा भनिएको छ।

बिमस्टेकमा बंगलादेश, भूटान, भारत, म्यानमार, नेपाल, श्रीलंका र थाइल्यान्ड सदस्य छन्।

बैंककमा परराष्ट्रमन्त्री साउद र भारतीय विदेशमन्त्री एस. जयशंकरबीच साइडलाइन वार्ता हुने कार्यक्रम पनि रहेको छ। जयशंकरसँग उनको दोस्रोपटक साइडलाइन वार्ता हुन लागेको हो। यसअघि बंगलादेशमा इन्डिया फाउन्डेसनले आयोजना गरेको कार्यक्रममा उनीहरूबीच पहिलो अनौपचारिक भेट भएको थियो।

नेपालका तर्फबाट रिट्रिटमा सहभागी हुन आइतबार बैंकक गएका मन्त्री साउद मंगलबार स्वदेश फर्कने कार्यक्रम छ।

Participated in BIMSTEC Ministerial Retreat, which just concluded in Bangkok today.

We, Foreign Ministers of BIMSTEC member countries, had productive discussion on ways to strengthen BIMSTEC cooperation.

Energy, grid connectivity, climate change, health and food security,… pic.twitter.com/ocTgfGjbDd

— NP Saud (@NPSaudnc) July 17, 2023