कप्तानबाट बर्खास्त भएका हरिहजुरले फिर्ता लिए प्रशिक्षणबाट आफ्नो नाम

काठमाडौं – स्वास्थ्यको कारण देखाउँदै राष्ट्रिय भलिबल टिमका पूर्व कप्तान हरिहजुर थापाले एसियाडको प्रशिक्षणबाट आफ्नो नाम फिर्ता लिएका छन्। चीनमा हुने एसियाली खेलकुदका लागि िभलिबल संघले बोलाएको राष्ट्रिय टिमबाट थापाले आफ्नो नाम फिर्ता लिएका हुन्।

उनलाई एक हप्ता अघि मात्र भलिबल संघले कप्तानबाट बर्खास्त गरेको थियो। उनमा नेतृत्व क्षमताको कमी रहेको भन्दै संघले उनलाई कप्तानीबाट बाहिर तानेको थियो। यता उनले अहिले थापाले स्वास्थ्यको कारण देखाउँदै आफ्नो नाम फिर्ता लिएका हुन्।

उद्यपी भलिबल संघले बेलाएको राष्ट्रिय टिममा भने हरिहजुको पनि नाम भने छ।

त्यस्तै आर्मी र गण्डकीबीच भएको भलिबल लिगको खेलमा उनको टिमका तीन खेलाडी दर्शकसँग झगडा गरेको आरोपमा निलम्बित बनेका छन्। सोही घटनामा थापाले पनि दर्शकप्रति आक्रोष व्यक्त गरेको भलिबल संघको ठहर छ।

अहिले नेपाली राष्ट्रिय सिनियर पुरुष भलिबल टिममा मानबहादुर श्रेष्ठ, रबिन चन्द, धिरोज बस्नेत, टेकराज अवस्थी, दुर्गाबहादुर खड्का, सफल बिके, मनिष मानन्धर, हेमन्त मल्ल, बिशाल बिक, हरिहजुर थापा, सम्राट भण्डारी र बिनोद चन्द छन् ।