सर्लाहीमा घाटमा पुर्याइएको युवतीको शव प्रहरी नियन्त्रणमा, तीन जना पक्राउ
नेपाल क्लिक्स
काठमाडौं- सर्लाहीमा जलाउन घाटमा पुर्याइएको युवतीको शव प्रहरीले नियन्त्रणमा लिएको छ।
सर्लाहीको रामनगर गाउँपालिका-१ खैर्वाका २१ वर्षीया मनिषा साहको शव प्रहरीले बुधबार घाटबाट नियन्त्रणमा लिएको हो।
शंकास्पद मृत्यु भएकोमा कानुनी प्रक्रिया नपुर्याई जलाउने तयारी भइरहेको सूचना आएपछि शव नियन्त्रणमा लिइएको सर्लाही प्रहरी प्रवक्ता प्रहरी नायब उपरीक्षक दीपेन्द्र पञ्जियारले बताए।
उनका अनुसार बुधबार बिहान ११ बजेतिर मनिषा झुन्डिएको अवस्थामा फेला परेकी थिइन्। प्रहरीले दिउँसो साढे २ बजेतिर घाटबाट शव नियन्त्रणमा लिएको हो।
‘जलाउने तयारी भइरहेको जानकारी आएपछि हाम्रो टोलीले घाटमा पुगेर शव नियन्त्रणमा लिएको हो,’ पञ्जियारले भने।
शव पोष्टमार्टमको लागि अहिले मलंगवास्थित प्रादेशिक अस्पताल लगिएको छ।
घटनाबारे अनुसन्धानका लागि तीन जनालाई प्रहरीले पक्राउ गरेको छ।
पक्राउ पर्नेमा मनिषाका श्रीमान् सुनिल, ससुरा रामेश्वर र देवर रामबाबु रहेका छन्।
मनिषाको माइती सर्लाहीकै कविलासी गाउँपालिका-३ मा हो। माइती पक्षले हत्या गरेको दाबी गरेका छन्।
घटनाबारे अनुसन्धान भइरहेको पञ्जियारले बताए।
कहीँ नभएको जात्रा हाँडीगाउँमा !
संघीयताले बदलेको अर्थतन्त्र: गाउँगाउँमा व्यापारिक केन्द्र, बदलिँदो कर्नाली
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
कस्तो छ आजको मौसम?
धानमा ‘किरा’ले क्षति पुर्याएपछि भोजपुरका किसान चिन्तित
जहाँ संकट, त्यहाँ अम्बिका
रसुवा–भोटेकोशी बाढीः ३२ हजारभन्दा बढी नागरिक प्रभावित, ७९ अर्बको क्षति
तीन महिनामा १६ अर्ब बढीको बिजुली भारत र बंगलादेश निर्यात
भैरहवामा ४ अर्ब २० करोडको अत्याधुनिक अस्पताल अन्तिम चरणमा, पुसदेखि सञ्चालन गर्ने तयारी
साउदीमा हुथी आक्रमणः कच्चा तेलको भाउ बढेर पुग्यो ब्यारेलको ११३ डलर माथि
