एक वर्षमा भारतले निर्यात गर्‍यो १० अर्ब डलरका स्मार्टफोन

नयाँदिल्ली- आर्थिक वर्ष २०२२/०२३ मा भारतले १० अर्ब अमेरिकी डलरभन्दा बढीका स्मार्टफोन निर्यात गरेको छ। हालै

यो अवधिमा एप्पलको ‘मेक इन इन्डिया’ स्मार्टफोनले कुल निर्यातको ५० प्रतिशत हिस्सा ओगटेको छ। सामसङले ४० प्रतिशत मोबाइल निर्यात गरेको छ। बाँकी स्मार्टफोन कम्पनीहरुले निर्यातको १० प्रतिशत मात्र हिस्सा ओगटेका छन्।

इलेक्ट्रोनिक्स उत्पादन क्षेत्रमा भारत बलियो हुँदै गएको यो तथ्यांकले देखाएको छ। भारतलाई विश्वका ठूला निर्माण कम्पनीहरूले प्राथमिकता दिइरहेका छन्। हालै सामसुङले भारतमा विश्वको सबैभन्दा ठूलो फोन उत्पादन एकाई खोलेको छ।

एप्पल जस्ता ठूला स्मार्टफोन निर्माताले कम्पनीहरूले भारतमा महत्वपूर्ण निर्माण एकाइहरू स्थानान्तरण गरेका छन्।

ओप्पो, भिभो, शाओमी र लाभाजस्ता विश्वव्यापी उद्यमहरूले पनि भारतमा आफ्नो आधार स्थापना गरेका छन् र कारोबार विस्तार गरेका एसियन लाइटले रिपोर्ट गरेको छ।

उत्पादनसँग जोडिएको प्रोत्साहन (पीएलआई) योजनाका कारण अघिल्लो आर्थिक वर्षको सोही अवधिको तुलनामा भारतबाट स्मार्टफोन निर्यात दोब्बर भएको छ।

आईसीईएको तथ्याङ्कअनुसार भारतका लागि हाल संयुक्त अरब इमिरेट्स (युएई), अमेरिका, नेदरल्याण्ड्स, बेलायत र इटाली मोबाइल फोन निर्यातका शीर्ष पाँच गन्तव्य हुन्। सन् २०१४ मा भारतमा मोबाइल फोन र पार्टपूर्जा उत्पादन गर्ने २६० भन्दा बढी युनिट रहेका थिए।