शान्ति समाजको प्रदर्शन [तस्बिरहरू]

काठमाडौँ- मानव अधिकार तथा शान्ति समाजले आतंकवाद र युद्धविरुद्ध प्रदर्शन गरेको छ।

इजरायली सीमा नजिकै गाजामा नागरिकहरुको जीवनरक्षाको लागि प्रभावकारी कदम चाल्न र हमासले बन्धक बनाएका विपिन जोशीलगायतका बन्धक रिहाइको माग गर्दै समाजले प्रदर्शन गरेको हो।

शान्ति समाजका तर्फबाट राष्ट्रसंघका महासचिव एन्टोनियो गुटरेसलाई ज्ञापनपत्र बुझाइएको छ।

तस्बिरहरू:

गुटरेसले मंगलबार नेपालको संसदका दुवै सदनको संयुक्त बैठकमा सम्बोधन गर्दैछन्। यसरी नेपालको संसदमा सम्बोधन गर्ने गुटरेस राष्ट्रसंघको पहिलो महासचिव बन्नेछन्।

यसअघि राष्ट्रसंघका ६ जना महासचिवहरूले नेपालको भ्रमण गरेका भएपनि संसदको रोस्ट्रममा उभिएर सम्बोधन गर्ने अवसर पाएका थिएनन्।

सन् २००८ मा नेपालमा आएका तत्कालीन महासचिव वान कि मुनले ल्होत्से हलमा सम्बोधन गरेका थिए। त्यसबेला नेपालको संसदमा विदेशीले सम्बोधन गर्न सक्ने व्यवस्था थिएन। तर राष्ट्रिय पञ्चायत भएका बेलामा भने विदेशीले सम्बोधन गर्न सक्ने व्यवस्था थियो।

तत्कालीन जर्मन चान्सलर हेल्मुट कोहलले २०४४ असार ४ गते राष्ट्रिय पञ्चायतलाई सम्बोधन गरेका थिए। राष्ट्रिय पञ्चायत संसदकै हैसियतको संस्था थियो।

भारतीय लोकसभा अध्यक्ष (तत्कालीन) डा. बलराम जाखरले २०४५ भदौ २१ मा राष्ट्रिय पञ्चायतमा सम्बोधन गरेका थिए।

सन् २०१४ मा पहिलो पटक प्रधानमन्त्री चुनिएपछि नरेन्द्र मोदीले नेपाल भ्रमण गरेका थिए। मोदीले राष्ट्र प्रमुखको रूपमा १९ साउन २०७१ मा सदनलाई सम्बोधन गरेका थिए। गणतन्त्रको स्थापनापछि विदेशी विशिष्ट व्यक्तिले पनि सदनमा सम्बोधन गर्न पाउने व्यवस्था गरिएको थियो।